ರಾಯಚೂರು: ತಾಲೂಕಿನ ಶಕ್ತಿನಗರ ಹೈದರಾಬಾದ್-ರಾಯಚೂರು ಬ್ರಿಡ್ಜ್ ಬಳಿ ಮೊಸಳೆ ಪ್ರತ್ಯಕ್ಷವಾಗಿದ್ದು, ಗ್ರಾಮಸ್ಥರಲ್ಲಿ ಆತಂಕ ಮನೆ ಮಾಡಿದೆ.
ಜಿಲ್ಲೆಯ ಬಲ ಭಾಗದಲ್ಲಿ ನೂರಾರು ಕಿಲೋ ಮೀಟರ್ ಉದ್ದದಷ್ಟು ಕೃಷ್ಣಾ ನದಿ ಹರಿಯುತ್ತಿದ್ದು, ಇಂದು ಶಕ್ತಿನಗರದ 2ನೇ ಕ್ರಾಸ್ ಬ್ರಿಡ್ಜ್ ಬಳಿ ಮೊಸಳೆ ಪ್ರತ್ಯಕ್ಷವಾಗಿದೆ. ನದಿ ತೀರದಲ್ಲಿ ಹೊಲ-ಗದ್ದೆಗಳಿದ್ದು, ಅಲ್ಲಿನ ರೈತರು ವ್ಯವಸಾಯ ಚಟುವಟಿಕೆಗಳಿಗೆ ತೊಡಗುತ್ತಾರೆ. ಅಲ್ಲದೇ ಜಾನುವಾರುಗಳನ್ನ ಸಹ ಮೇಯಿಸಲು ಹೋಗುತ್ತಾರೆ. ಮೊಸಳೆ ಆಹಾರ ಅರಸಿಕೊಂಡು ನದಿಯ ದಡಕ್ಕೆ ಬಂದಿದ್ದು, ಸುತ್ತಮುತ್ತಲಿನ ಜಮೀನಿನ ರೈತರಲ್ಲಿ ಭಯದ ವಾತಾವರಣ ಸೃಷ್ಟಿಯಾಗಿದೆ.
ಮೊಸಳೆ ಕಂಡು ಸ್ಥಳೀಯರೊಬ್ಬರು ತಮ್ಮ ಮೊಬೈಲ್ನಲ್ಲಿ ಚಿತ್ರ ಸೆರೆ ಹಿಡಿದ್ದಾರೆ.
