ರಾಯಚೂರು : ಕೊರೊನಾ ವೈರಸ್ ಭೀತಿಯಿಂದ ರಾಜ್ಯದಲ್ಲಿ ಕೊರೊನಾ ಲಾಕ್‌ಡೌನ್ ಜಾರಿಗೊಳಿಸಿ, ಅಗತ್ಯ ವಸ್ತುಗಳ ಅಂಗಡಿ ಮತ್ತು ವೈದ್ಯಕೀಯ, ತುರ್ತು ಸೇವೆಗಳನ್ನ ಹೊರತು ಪಡಿಸಿ ಉಳಿದ ಎಲ್ಲಾ ಸೇವೆಗಳನ್ನ ರಾಜ್ಯ ಸರ್ಕಾರ ಬಂದ್ ಮಾಡಿತ್ತು.
ಇದರ ಪರಿಣಾಮ ಅಬಕಾರಿ ಇಲಾಖೆಯ ವ್ಯಾಪ್ಯಿಗೆ ಬರುವಂತಹ ಮದ್ಯ ಮಾರಾಟವನ್ನ ಸ್ಥಗಿತಗೊಳಿಸಿತ್ತು. ಸರ್ಕಾರಕ್ಕೆ ಅಬಕಾರಿ ಇಲಾಖೆಯಿಂದ ಬರಬೇಕಾದ ಆದಾಯಕ್ಕೆ ಕತ್ತರಿ ಬಿದ್ದು, ಸರ್ಕಾರವೇ ಆರ್ಥಿಕ ಸಮಸ್ಯೆಗೆ ಸಿಲುಕಿತ್ತು. ಆರ್ಥಿಕ ಸಮಸ್ಯೆಯನ್ನ ಸರಿದೂಗಿಸಲು ಸರ್ಕಾರ 2020 ಮೇ 4ರಿಂದ ಪುನಃ ಮದ್ಯ ಮಾರಾಟಕ್ಕೆ ಪ್ರಾರಂಭಿಸಲಾಯಿತು.
ಅಬಕಾರಿ ಇಲಾಖೆಯ ವ್ಯಾಪ್ತಿಗೆ ಬರುವ ಮದ್ಯ ಅಂಗಡಿಗಳನ್ನ ಆರಂಭಿಸಲು ಮುಂದಾದಾಗ ಜನತೆಯಿಂದ ಪರ-ವಿರೋಧ ಅಭಿಪ್ರಾಯ ವ್ಯಕ್ತವಾದವು. ಇದರ ನಡುವೆ ಸರ್ಕಾರ ಆರ್ಥಿಕ ಪರಿಸ್ಥಿತಿಯನ್ನ ಸುಧಾರಿಸಿಕೊಳ್ಳುವ ನಿಟ್ಟಿನಲ್ಲಿ ಮದ್ಯಂದಗಡಿಗಳನ್ನ ಪುನಃ ಆರಂಭಿಸಿತು. ಆದರೆ, ಕೊರೊನಾ ಭೀತಿಯಿಂದಾಗಿ ನಿರೀಕ್ಷೆಯಂತೆ ಮದ್ಯ ಮಾರಾಟವಾಗುತ್ತಿಲ್ಲ. ಯಾಕೆಂದ್ರೆ, ರಾಯಚೂರು ಜಿಲ್ಲೆಯೊಂದರಲ್ಲಿ ಕಳೆದ ವರ್ಷ ಏಪ್ರಿಲ್, ಮೇ, ಜೂನ್, ಈ ಮೂರು ತಿಂಗಳ ಅವಧಿಯಲ್ಲಿ 3,42,000 ಬಾಕ್ಸ್(ಕೇಸ್)ಗಳನ್ನ ಮಾರಾಟ ಮಾಡಲಾಗಿತ್ತು. ಆದರೆ, 2020 ಏಪ್ರಿಲ್, ಮೇ, ಜೂನ್ ಈ ಮೂರು ತಿಂಗಳ ಅವಧಿಯಲ್ಲಿ ಏಪ್ರಿಲ್ ತಿಂಗಳು ಹೊರತುಪಡಿಸಿ 2,90,000 ಕೇಸ್ಗಳು ಮಾರಾಟವಾಗಿವೆ.
ಸರಿ ಸುಮಾರು 116 ಕೋಟಿ ರೂಪಾಯಿ ವ್ಯಾಪಾರ ವಹಿವಾಟು ಆಗಿದೆ. ಬೀರ್ ಮಾರಾಟದಲ್ಲಿ ಸಹ ಇಳಿಕೆಯಾಗಿದೆ. ರಾಜ್ಯದ ನಾನಾ ಜಿಲ್ಲೆಗಳಲ್ಲಿ ಮದ್ಯ ಮಾರಾಟದಲ್ಲಿ ಇಳಿಮುಖವಾಗಿದೆ. ಆದರೆ, ರಾಯಚೂರು ಜಿಲ್ಲೆಯಲ್ಲಿ ನಿರೀಕ್ಷೆಗಿಂತ ಮಾರಾಟವಾಗದಿದ್ರೂ, ಮದ್ಯ ಮಾರಾಟಕ್ಕೆ ಧಕ್ಕೆಯಾಗಿಲ್ಲ ಅಂತಾರೆ ಅಬಕಾರಿ ಇಲಾಖೆ ಜಿಲ್ಲಾಧಿಕಾರಿ ಪ್ರಶಾಂತ್ ಕುಮಾರ್.
ಇನ್ನೂ 2020 ಏಪ್ರಿಲ್ ತಿಂಗಳಲ್ಲಿ ಜಿಲ್ಲೆಯಲ್ಲಿ ಮದ್ಯ ಮಾರಾಟವಾಗಿಲ್ಲ. ಆದರೆ, ಮೇ ತಿಂಗಳಲ್ಲಿ 1,32,984, ಜೂನ್ 1,56,779 ಕೇಸ್ಗಳ ಮಾರಾಟವಾಗಿವೆ. ಕಳೆದ ಏಪ್ರಿಲ್ನಲ್ಲಿ 1,12,240, ಮೇ ತಿಂಗಳಲ್ಲಿ 1,18,501. ಜೂನ್ ತಿಂಗಳಲ್ಲಿ 1,22,051 ಮದ್ಯ ಮತ್ತು ಬೀರ್ ಮಾರಾಟವಾಗಿತ್ತು. ಆದರೆ, ಕಳೆದ ವರ್ಷಕ್ಕೆ ಹೋಲಿಸಿದ್ರೆ ಮದ್ಯ ಮಾರಾಟದಲ್ಲಿ 52 ಸಾವಿರ ಕೇಸ್ಗಳು ಕಡಿಮೆಯಾಗಿದ್ದು, ಏಪ್ರಿಲ್ ತಿಂಗಳಲ್ಲಿ ಮದ್ಯ ಮಾರಾಟವಾಗಿಲ್ಲ.
ಕೊರೊನಾ ವೈರಸ್ ಭೀತಿಯಿಂದ ಹಲವು ವಲಯಗಳಿಗೆ ವ್ಯಾಪಾರ-ವಹಿವಾಟು ಕೊಡಲಿ ಪೆಟ್ಟು ಬಿದ್ದಿದ್ದು, ಆರ್ಥಿಕವಾಗಿ ಸಂಕಷ್ಟಕ್ಕೆ ಸಿಲುಕಿಸಿದೆ. ಇದೀಗ ಮದ್ಯ ಪ್ರಿಯರಿಗೆ ಕಿಕ್ ಏರಿಸುವ, ಮದ್ಯಕ್ಕೆ ಕೊರೊನಾ ವೈರಸ್ ಕಿಕ್ ಇಳಿಸಿದೆ.
