ಮೈಸೂರು: ನಗರದ ಉದಯಗಿರಿಯಲ್ಲಿ ನಡೆದ ಕ್ರಿಕೆಟ್ ಟೂರ್ನಮೆಂಟ್ನಲ್ಲಿ ಅತಿಥಿಯಾಗಿ ಪಾಲ್ಗೊಂಡು ಮಾತನಾಡಿದ ಬೆಂಗಳೂರಿನ ಚಾಮರಾಜಪೇಟೆ ಶಾಸಕ ಜಮೀರ್ ಅಹಮ್ಮದ್, ಈ ಬಾರಿ ಹರೀಶ್ ಗೌಡರಿಗೆ ಟಿಕೆಟ್ ಸಿಗಲಿದೆ ಎಂದು ಹೇಳಿದ್ದಾರೆ.
ಟೂರ್ನ್ಮೆಂಟ್ನ ಸಮಾರೋಪ ಸಮಾರಂಭ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ನಮ್ಮ ನಾಯಕರಾದ ಸಿದ್ದರಾಮಯ್ಯ ಮೇಲೆ ವಿಶ್ವಾಸವಿದೆ. ನಮ್ಮದು ಹೈಕಮಾಂಡ್ ಪಕ್ಷ, ಟಿಕೆಟ್ ಹಂಚಿಕೆ ವಿಷಯವನ್ನು ನಾನು ಹೇಳಲೂ ಬರುವುದಿಲ್ಲ. ಆದರೆ ನೂರಕ್ಕೆ ನೂರು ವಿಶ್ವಾಸವಿದೆ, ಈ ಬಾರಿ ಹರೀಶ್ ಗೌಡರಿಗೆ ಟಿಕೆಟ್ ಸಿಗಲಿದೆ ಎಂದರು.
ಈ ಮೂಲಕ ಚಾಮರಾಜ ಕ್ಷೇತ್ರದ ಟಿಕೆಟಅನ್ನು ಹರೀಶ್ ಗೌಡರಿಗೆ ನೀಡುವ ಸಂಬಂಧ ಪರೋಕ್ಷ ಸುಳಿವು ನೀಡಿದ್ದಾರೆ. ಆದರೆ, ಮಾಜಿ ಶಾಸಕರಾದ ವಾಸು ಸೇರಿದಂತೆ ಕಾಂಗ್ರೆಸ್ನಲ್ಲಿ ಅಭ್ಯರ್ಥಿಗಳ ಸಂಖ್ಯೆ ಏರುತ್ತಲೇ ಇದೆ. ಜಮೀರ್ ಅಹಮ್ಮದ್ ಹೇಳಿಕೆ ಹರೀಶ್ ಗೌಡರಿಗೆ ಹುರುಪು ತಂದರೆ, ಪಕ್ಷದ ಬೇರೆ ಆಕಾಂಕ್ಷಿಗಳಿಗೆ ಬೇಸರವನ್ನೂ ಸಹ ಮೂಡಿಸಿದೆ.
ಇದನ್ನೂ ಓದಿ: ರಾತ್ರಿ ಬಸ್ನಲ್ಲಿದ್ದ ಯುವಕ - ಯುವತಿ ತಡೆದ ಕಾರ್ಯಕರ್ತರು
