ಮೈಸೂರು : ಮೈಸೂರು ವಿಶ್ವವಿದ್ಯಾಲಯ ನಾಲ್ಕು ವರ್ಷಗಳ ಹಿಂದೆ 76ರ ರ‍್ಯಾಂಕ್ನಲ್ಲಿ ಇತ್ತು. ಆದರೀಗ ಪ್ರಸಕ್ತ ವರ್ಷದಲ್ಲಿ 19ನೇ ರ್ಯಾಂಕ್ ಗೆ ಬಂದಿದೆ. ಕೊರೊನಾ ಸ್ಥಿತಿಯಲ್ಲಿಯೂ ಮೈಸೂರು ವಿಶ್ವವಿದ್ಯಾಲಯ ಅಗ್ರಸ್ಥಾನಕ್ಕೇರುತ್ತಿರುವುದು ಮೈಸೂರಿಗರಲ್ಲಿ ಸಂತಸ ಮೂಡಿಸುತ್ತಿದೆ.
ನ್ಯಾಷನಲ್ ಇನ್ಸ್ ಟಿಟ್ಯೂಟ್ ರ‍್ಯಾಂಕಿಂಗ್ ಫ್ರೇಮ್ ವರ್ಕ್(NIRF) ದೇಶದಲ್ಲಿರುವ ವಿಶ್ವವಿದ್ಯಾನಿಲಯಗಳ ಶೈಕ್ಷಣಿಕ ಮತ್ತು ಭೌತಿಕ ಗುಣಮಟ್ಟ ಆಧರಿಸಿ ಬಿಡುಗಡೆ ಮಾಡಿರುವ ರ್ಯಾಂಕ್ ಪಟ್ಟಿಯಲ್ಲಿ ಮೈಸೂರು ವಿಶ್ವವಿದ್ಯಾನಿಲಯಕ್ಕೆ 19ನೇ ಸ್ಥಾನ ಸಿಕ್ಕಿದೆ.
76ನೇ ರ್ಯಾಂಕ್ ನಿಂದ 19ನೇ ರ್ಯಾಂಕ್ ಜಿಗಿಯಲು ಕಾರಣವೇನು : ಈ ಕುರಿತು ಮೈಸೂರು ವಿಶ್ವವಿದ್ಯಾನಿಲಯದ ಕುಲಪತಿ ಪ್ರೊ.ಜಿ. ಹೇಮಂತ್ ಕುಮಾರ್ ಮಾಧ್ಯಮಗಳೊಂದಿಗೆ ಮಾತನಾಡಿ, ಕೋವಿಡ್ ಸಂದರ್ಭದಲ್ಲಿಯೂ ಕೂಡ ಅಕಾಡೆಮಿ ಆಕ್ಟಿವಿಟಿ ಕಡಿಮೆ ಮಾಡಿಲ್ಲ.
ಅಲ್ಲದೆ ವಿದ್ಯಾರ್ಥಿಗಳಿಗೆ ಆನ್ಲೈನ್ ಹಾಗೂ ಆಫ್ ಲೈನ್ ನಲ್ಲಿ ಕೂಡ ಪಾಠ ಮಾಡಲಾಗಿದೆ. ಸಂಶೋಧನೆಗಳನ್ನ ನಾವು ನಿಲ್ಲಿಸಲಿಲ್ಲ. ಟೀಚಿಂಗ್, ಲರ್ನಿಂಗ್, ರಿಸರ್ಚ್ ಇವುಗಳ ಆಧಾರದ ಮೇಲೆ ಮೈಸೂರು ವಿವಿಗೆ 19ನೇ ರ್ಯಾಂಕ್ ಸಿಕ್ಕಿದೆ ಎಂದರು.
ನಾನು ಕುಲಪತಿಯಾಗುವ ಮೊದಲು ಮೈಸೂರು ವಿವಿ 76ನೇ ರ‍್ಯಾಂಕ್ನಲ್ಲಿತ್ತು. ನಂತರ 54ನೇ ರ್ಯಾಂಕ್, ಕಳೆದ ವರ್ಷ 27ನೇ ರ್ಯಾಂಕ್, ಈ ವರ್ಷ 19ನೇ ರ‍್ಯಾಂಕ್ಗೆ ಬಂದಿದ್ದೇವೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ರ್ಯಾಂಕ್ ಗೆ ಹತ್ತಿರವಾಗುತ್ತೇವೆ.
ನ್ಯಾಕ್ ಸಂಸ್ಥೆಯು ಕೂಡ ಸೆ.15ರಿಂದ 17ರವರೆಗೆ ಮೌಲ್ಯಮಾಪನ ಮಾಡಲಿದೆ. ಈಗಾಗಲೇ 700 ನಂಬರ್ ಮೌಲ್ಯ ಮಾಪನವಾಗಿದೆ. 300 ನಂಬರ್ ಮೌಲ್ಯಮಾಪನವಾಗಬೇಕಿದೆ ಎಂದು ಹೇಳಿದರು.
ಇದನ್ನೂ ಓದಿ : ವಸತಿರಹಿತರಿಗೆ ಸಿಹಿಸುದ್ದಿ: 4 ಲಕ್ಷ ಫಲಾನುಭವಿಗಳ ಆಯ್ಕೆ ಪ್ರಕ್ರಿಯೆಗೆ ಸಿಎಂ ಸೂಚನೆ
