ಮೈಸೂರು: ರಂಜಾನ್ ಮಾಸದ ಹಿನ್ನೆಲೆ ನಗರದ ಸಾಡೇ ರೋಡ್ನಲ್ಲಿ ಬಗೆಬಗೆಯ ತಿನಿಸು ಹಾಗೂ ಗೃಹೋಪಯೋಗಿ ವಸ್ತುಗಳ ಮಾರಾಟ ಜೋರಾಗಿದೆ. ಉಪವಾಸ ಅಂತ್ಯಕ್ಕೆ ದಿನಗಣನೆ ಆರಂಭವಾಗಿದ್ದು, ನಗರದ ಸಾಡೇ ರೋಡ್ನಲ್ಲಿ ಭರ್ಜರಿ ವಹಿವಾಟು ನಡೆಯುತ್ತಿದೆ.
ಹೊಸ ಹೊಸ ಅಂಗಡಿಗಳು ಒಂದೊಂದಾಗಿ ತೆರೆದುಕೊಳ್ಳುತ್ತಿದ್ದು, ಕುರ್ತಾ, ಟೋಪಿ, ಬಳೆ, ಬಟ್ಟೆ, ಚಪ್ಪಲಿ, ಇತರೆ ಗೃಹೋಪಯೋಗಿ ವಸ್ತುಗಳ ಖರೀದಿ ಜೋರಾಗಿದ್ದರಿಂದ ವ್ಯಾಪಾರಿಗಳು ಫುಲ್ ಖುಷಿಯಲ್ಲಿದ್ದಾರೆ.
ರಂಜಾನ್ ಹಿನ್ನೆಲೆ ನಗರದ ಸಾಡೇ ರೋಡ್ನಲ್ಲಿ ಭರ್ಜರಿ ವ್ಯಾಪಾರ
ರಂಜಾನ್ ಮಾಸ ಬಂದರೆ ಸಾಕು ಚಾಮರಾಜನಗರ, ಹುಣಸೂರು, ಕೆ.ಆರ್.ನಗರ, ಪಿರಿಯಾಪಟ್ಟಣ ಸೇರಿದಂತೆ ಇತರ ಪಟ್ಟಣಗಳಿಂದ ಗ್ರಾಹಕರ ದಂಡೇ ಇಲ್ಲಿಗೆ ಹರಿದು ಬರುತ್ತದೆ. ಹಾಗಾಗಿ ಸಾಡೇ ರೋಡ್ ಸಂಜೆ ಆಗುತ್ತಿದ್ದಂತೆ ಒಂದು ಹೆಜ್ಜೆ ಇಡಲು ಆಗದಷ್ಟು ಜನಸಂದಣಿ ಪ್ರದೇಶವಾಗಿರುತ್ತದೆ. ಬಿಸಿ ಬಿಸಿ ಸಮೋಸಾ, ದೋಸೆ, ಹಾಲು, ಖರ್ಜೂರ, ದ್ರಾಕ್ಷಿ ಸೇರಿದಂತೆ ಹಲವು ತಿಂಡಿ ತಿನಿಸುಗಳ ಭರ್ಜರಿ ವ್ಯಾಪಾರ ನಡೆಯುತ್ತದೆ.
