ಮಾರ್ಗಸೂಚಿ ಫಲಕದಲ್ಲಿ ಅಕ್ಷರಗಳನ್ನು ತಪ್ಪಾಗಿ ಮುದ್ರಿಸಿದ ಮಹಾನಗರ ಪಾಲಿಕೆ

ರಸ್ತೆ ಸೂಚಕ ಫಲದಲ್ಲಿ ತಪ್ಪು ತಪ್ಪಾಗಿ ಮಾಹಿತಿ ಬರೆದು ಮೈಸೂರು ಮಹಾನಗರ ಪಾಲಿಕೆ ಸಾರ್ವಜನಿಕರ ಕೆಂಗಣ್ಣಿಗೆ ಗುರಿಯಾಗಿದೆ.

ಮೈಸೂರು: ನಗರದ ನಜರ್​ಬಾದ್​ನಲ್ಲಿ ಮಹಾನಗರ ಪಾಲಿಕೆ ಅಳವಡಿಸಿರುವ ಮಾರ್ಗಸೂಚಿ ಫಲಕವೊಂದರಲ್ಲಿ ಅಕ್ಷರಗಳನ್ನು ತಪ್ಪಾಗಿ ಮುದ್ರಿಸಲಾಗಿದೆ.

ಮಾರ್ಗಸೂಚಿ ಫಲಕದಲ್ಲಿ 'ಮದ್ಯಪಾನ ಮಾಡಿ ವಾಹನ ಚಲಾಯಿಸಬೇಡಿ' ಎಂದು ಬರೆಯಬೇಕಾದಲ್ಲಿ 'ಮಧ್ಯಪಾನ ಮಾಡಿ ವಾಹನ ಚಲಾಹಿಸಬೇಡ' ಎಂದು ತಪ್ಪಾಗಿ ಬರೆಯಲಾಗಿದೆ. ಅಲ್ಲದೆ, ಇಂಗ್ಲಿಷ್​​ನಲ್ಲಿಯೇ ಮಾರ್ಗಸೂಚಿ ಮಾಹಿತಿ ತೋರಿಸಲಾಗಿದೆ.‌

ಇದಕ್ಕೆ ಸಾರ್ವಜನಿಕರು ಖಂಡನೆ ವ್ಯಕ್ತಪಡಿಸಿದ್ದು, ಅಕ್ಷರ ತಪ್ಪುಗಳನ್ನು ಸರಿಪಡಿಸಿ, ಕನ್ನಡದಲ್ಲಿಯೇ ಮಾರ್ಗಸೂಚಿ ವಿಳಾಸ ಬರೆಯುವಂತೆ ಆಗ್ರಹಿಸಿದ್ದಾರೆ.