ಮೈಸೂರು: ಖಾಸಗಿ ಕಾರ್ಯಕ್ರಮದ ನಿಮಿತ್ತ ಸೂಪರ್ ಸ್ಟಾರ್ ರಜನಿಕಾಂತ್ ಮೈಸೂರಿಗೆ ಪ್ರಯಾಣ ಬೆಳೆಸಿದ್ದ ವಿಮಾನ ಕೆಟ್ಟ ಹವಾಮಾನದ ಹಿನ್ನೆಲೆ 1 ಗಂಟೆ ತಡವಾಗಿ ಬಂದಿದೆ.
ಸೂಪರ್ ಸ್ಟಾರ್ ರಜನಿಕಾಂತ್ ಇಂದು ಚೆನ್ನೈನಿಂದ ಖಾಸಗಿ ಕಾರ್ಯಕ್ರಮದ ನಿಮಿತ್ತ ಮೈಸೂರಿಗೆ ಟೂಜೆಟ್ ವಿಮಾನದ ಮೂಲಕ ಆಗಮಿಸುವಾಗ ಮೈಸೂರು ವಿಮಾನ ನಿಲ್ದಾಣದಲ್ಲಿ ಮಂಜು ಇದ್ದ ಕಾರಣ ವಿಮಾನ ಮೈಸೂರಿನ ವಿಮಾನ ನಿಲ್ದಾಣಕ್ಕೆ 1 ಗಂಟೆ ತಡವಾಗಿ ಬಂದು ಲ್ಯಾಂಡ್ ಆಗಿದೆ. ನಿಗದಿಯಾಗಿದ್ದ ಸಮಯದ ಪ್ರಕಾರ ಬೆಳಿಗ್ಗೆ 6:50ಕ್ಕೆ ಚೆನ್ನೈನಿಂದ ಹೊರಟು 8:10ಕ್ಕೆ ಮೈಸೂರು ವಿಮಾನ ನಿಲ್ದಾಣಕ್ಕೆ ಬರಬೇಕಿತ್ತು. ಆದರೆ 1 ಗಂಟೆ ತಡವಾಗಿ ಆಗಮಿಸಿದೆ.
ಇನ್ನು ವಿಮಾನದಲ್ಲಿ ಯಾವುದೇ ತಾಂತ್ರಿಕ ದೋಷ ಇರಲಿಲ್ಲ. ಕೆಟ್ಟ ಹವಾಮಾನದಿಂದಾಗಿ ತಡವಾಗಿದೆ ಎಂದು ಮೈಸೂರು ವಿಮಾನ ನಿಲ್ದಾಣದ ನಿರ್ದೇಶಕ ಮಂಜುನಾಥ್ ಈಟಿವಿ ಭಾರತ್ಗೆ ದೂರವಾಣಿ ಮೂಲಕ ಖಚಿತಪಡಿಸಿದ್ದಾರೆ.
