ಹೈದರಾಬಾದ್: ನಿನ್ನೆ ಮೈಸೂರು ದಸರಾ ಉದ್ಘಾಟನೆ ಸಮಯದಲ್ಲಿ ಸಾಹಿತಿ ಎಸ್ ಎಲ್ ಭೈರಪ್ಪ, ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಒಟ್ಟಿಗೆ ಕುಳಿತಿರುವ ಫೋಟೊವೊಂದು ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಯಾವ ಕಾರಣಕ್ಕೆ ಅಂತೀರಾ? ಶ್ವೇತ ವರ್ಣದ ಪಂಚೆ, ಶರ್ಟ್, ಹಣೆಗೆ ಕುಂಕುಮ ಇಟ್ಟು ಅಕ್ಕ ಪಕ್ಕ ಕುಳಿತಿರುವ ಭೈರಪ್ಪ ಹಾಗೂ ಬಿಎಎಸ್ವೈ ಒಂದೇ ಥರ ಕಾಣುತ್ತಿದ್ದಾರೆ.
ಹಲವರು ಈ ಚಿತ್ರದ ಬಗ್ಗೆ ಕಮೆಂಟ್ ಮಾಡಿದ್ದು, ಅಯ್ಯೋ ಕಂಡು ಹಿಡಿಯೋಕೇ ಆಗ್ತಿಲ್ಲ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇನ್ನೂ ಹಲವರು ದಸರಾ ಉದ್ಘಾಟನೆ ವೇಳೆ ಬಿಎಸ್ವೈ, ಬಲದಿಂದ ಎಡಕ್ಕೆ, ಎಡದಿಂದ ಬಲಕ್ಕೆ? ಅನ್ನೋದು ಗೊಂದಲ ಆಗ್ತಿದೆ ಎಂದು ಕಮೆಂಟ್ ಮಾಡಿದ್ದಾರೆ.
ಮತ್ತೂ ಕೆಲವರು ಒಂದು ಹೆಜ್ಜೆ ಮುಂದೆ ಹೋಗಿ ಈ ಫೋಟೋದಲ್ಲಿರುವ ಇಬ್ಬರ ನಡುವಿನ ವ್ಯತ್ಯಾಸ ಗುರುತಿಸಿ ಎಂದು ತಮಾಷೆ ಮಾಡಿದ್ದಾರೆ.
