ಮಂಡ್ಯ: ಇಷ್ಟು ದಿನ ಅಂಗಡಿಗಳ ಬಾಗಿಲು ಮುರಿದು ಕಳ್ಳತನ ಮಾಡುತ್ತಿದ್ದ ಕಳ್ಳರು, ಸದ್ಯ ಮತ್ತೊಂದು ಹೆಜ್ಜೆ ಮುಂದೆ ಹೋಗಿದ್ದಾರೆ. ಕಬ್ಬಿಣದ ಶೆಟರ್ಸ್ ಕತ್ತರಿಸಿ ಅಂಗಡಿಗಳಿಗೆ ಕನ್ನ ಹಾಕುತ್ತಿದ್ದಾರೆ.
ಶೆಟರ್ಸ್ ಕತ್ತರಿಸಿ ಮೊಬೈಲ್ಗಳನ್ನು ಕದ್ದೊಯ್ದ ಖದೀಮರು
ನಾಗಮಂಗಲದ ಬಿ.ಎಂ. ರಸ್ತೆಯಲ್ಲಿರುವ ಸಂಗೀತಾ ಮೊಬೈಲ್ ಷೋ ರೂಂಗೆ ಕನ್ನ ಹಾಕಿರುವ ಮೂವರು ಕಳ್ಳರು, ರಾತ್ರಿ ಮುಖಕ್ಕೆ ಮಾಸ್ಕ್ ಧರಿಸಿ ಶೆಟರ್ಸ್ ಕಟ್ ಮಾಡಿ ಒಳ ನುಗ್ಗಿ ಲಕ್ಷಾಂತರ ರೂಪಾಯಿ ಮೊಬೈಲ್ಗಳನ್ನು ಕದ್ದೊಯ್ದಿದ್ದಾರೆ. ಹೆದ್ದಾರಿಯಲ್ಲಿರುವ ಮಳಿಗೆಯಲ್ಲಿಯೇ ಕಳ್ಳತನವಾಗಿರುವುದನ್ನ ಕಂಡ ಸಾರ್ವಜನಿಕರು ಆತಂಕ ವ್ಯಕ್ತಪಡಿಸಿದ್ದಾರೆ. ಸ್ಥಳಕ್ಕೆ ಶ್ವಾನದಳ ಮತ್ತು ಬೆರಳಚ್ಚು ತಂಡ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಪಟ್ಟಣ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
