ಮಂಡ್ಯ: ನಗರದ ವೈದರೊಬ್ಬರು ಕೊರೊನಾ ಸೋಂಕು ನಿಯಂತ್ರಣದ ಪ್ರಯೋಗದ ಕುರಿತು ಈಟಿವಿ ಭಾರತದ ಜೊತೆ ಮಾಹಿತಿ ಹಂಚಿಕೊಂಡಿದ್ದಾರೆ.
ಸಾಮಾನ್ಯವಾಗಿ ಕೊರೊನಾ ಸೋಂಕು ಕಾಣಿಸಿಕೊಂಡ ಕೂಡಲೇ ಸ್ಯಾನಿಟೈಸರ್ ಮಾಡಿ ಆ ಮನೆಯನ್ನು ಲಾಕ್ ಮಾಡಲಾಗುತ್ತದೆ. ಆದರೆ ಸ್ಯಾನಿಟೈಸರ್ ಜೊತೆಗೆ ಸೋಡಿಯಂ ಹೈಪೋಕ್ಲೋರೈಡ್‌ ಲಿಕ್ವಿಡ್ ಮಿಶ್ರಣ ಮಾಡಿ ಉಪಯೋಗಿಸಿದರೆ ಅದರ ವಾಸನೆಗೆ ವೈರಾಣು ನಾಶವಾಗಲಿದೆ ಎನ್ನುತ್ತಾರೆ ಡಾ. ಪ್ರಶಾಂತ್ ಈಶ್ವರ್.
ಒಂದು ಕೊಠಡಿಗೆ ಈ ದ್ರಾವಣವನ್ನು ಸಿಂಪಡಣೆ ಮಾಡಿ ಅದರಲ್ಲಿ ಸೋಂಕಿತರನ್ನು ಬಿಟ್ಟರೆ ವೈರಾಣು ನಾಶವಾಗಬಹುದು. ಇದನ್ನು ನನ್ನ ಸ್ವಂತ ಅನುಭವದಿಂದ ಕಂಡುಕೊಂಡಿದ್ದೇನೆ. ಸರ್ಕಾರ ಇದರ ಬಗ್ಗೆ ಆಲೋಚನೆ ಮಾಡಿ ಪ್ರಯೋಗ ನಡೆಸಬೇಕು ಎಂದು ಮನವಿ ಮಾಡಿದ್ದಾರೆ.
ಈ ವಿಧಾನಕ್ಕೆ ಡಿಸಿಸಿ ಎಂದು ಕರೆದಿದ್ದು, ಅಂದರೆ ಡ್ರಾಪ್ಲೆಟ್ ಚೇಂಬರ್ ಕೇರ್ ಎಂಬ ಹೆಸರನ್ನು ನೀಡಿದ್ದಾರೆ. ಈ ಚೇಂಬರ್‌ಗೆ ಲಿಕ್ವಿಡ್ ಸಿಂಪಡಣೆ ಮಾಡಿ ರೋಗಿಯನ್ನು ಅಲ್ಲಿ ಬಿಡುವ ವಿಧಾನವಾಗಿದೆ.
ಸದ್ಯ ವೈದ್ಯರು ತಮ್ಮ ಖಾಸಗಿ ಕ್ಲಿನಿಕ್‌ನಲ್ಲಿ ಈ ಪ್ರಯೋಗ ಮಾಡುತ್ತಿದ್ದಾರೆ. ಇದರಿಂದ ಯಾರಿಗೂ ಸಮಸ್ಯೆ ಆಗಿಲ್ಲ. ನನಗೂ ಕೆಮ್ಮು ಮತ್ತು ನೆಗಡಿ ಇತ್ತು. ಈ ದ್ರಾವಣ ಸಿಂಪಡಿಸಿ ರೋಗಿಗಳಿಗೆ ತಪಾಸಣೆ ಮಾಡುತ್ತಿದ್ದೆ. ಸಂಜೆ ವೇಳೆಗೆ ನನ್ನ ಸಮಸ್ಯೆ ಬಗೆಹರಿಯಿತು ಎಂದು ತಿಳಿಸಿದ್ದಾರೆ.
