ಮಂಡ್ಯ: ಜಾನುವಾರುಗಳ ನಿಗೂಢ ಸಾವು; ರೈತ ಕುಟುಂಬ ಕಂಗಾಲು

ಮಂಡ್ಯ ತಾಲೂಕಿನ ಕೀಲಾರ ಗ್ರಾಮದಲ್ಲಿ ಸಿದ್ದರಾಮೇಗೌಡ ಎಂಬುವವರಿಗೆ ಸೇರಿದ ರಾಸುಗಳು ನಿಗೂಢವಾಗಿ ಸಾವನ್ನಪ್ಪುತ್ತಿವೆ.

ಮಂಡ್ಯ: ತಾಲೂಕಿನ ಕೀಲಾರ ಗ್ರಾಮದಲ್ಲಿನ ರಾಸುಗಳು ನಿಗೂಢವಾಗಿ ಸಾವಿಗೀಡಾಗುತ್ತಿವೆ. ಇದರಿಂದ ರೈತ ಕುಟುಂಬ ಕಂಗಾಲಾಗಿದೆ.

ಗ್ರಾಮದ ಸಿದ್ದರಾಮೇಗೌಡ ಎಂಬುವವರಿಗೆ ಸೇರಿದ ರಾಸುಗಳು ಸಾವನ್ನಪ್ಪುತ್ತಿವೆ. ಈವರೆಗೆ ಈ ಮನೆಯಲ್ಲಿ ಹಸು, ಎಮ್ಮೆ, ಮೇಕೆ ಕುರಿ, ಎತ್ತು ಸೇರಿದಂತೆ 29 ರಾಸುಗಳು ನಿಗೂಢವಾಗಿ ಸಾವನ್ನಪ್ಪಿವೆ. ಇಂದು ಕೂಡ ಒಂದು ಹಸು ಅಸುನೀಗಿದೆ.

ನಿಗೂಢ ಸಾವಿನ ಕಾರಣ ತಿಳಿಯದೆ ರೈತ ಕುಟುಂಬ ಚಿಂತೆಯಲ್ಲಿದೆ. ಪಶು ಸಂಗೋಪನೆ ಇಲಾಖಾ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಇದನ್ನೂ ಓದಿ: ಆಸ್ಕರ್ ಫರ್ನಾಂಡಿಸ್ ಪತ್ನಿಗೆ ಸೋನಿಯಾ ಗಾಂಧಿ ಸಾಂತ್ವನ: ಗದ್ಗದಿತರಾದ ಕೈ ನಾಯಕಿ-ಆಡಿಯೋ