ಕೊಪ್ಪಳ : ಊರಿಗೆ ತೆರಳಲು ವಾಹನ ಸಿಗದೆ ಪರದಾಡಿದ ಅಜ್ಜಿ!

ಲಾಕ್​​ಡೌನ್​ ಕಾರಣ ವಾಹನ ಸಂಚಾರವಿಲ್ಲದೆ ಮನೆಗೆ ತೆರಳಲು ವೃದ್ಧೆ ಪರದಾಡುವಂತಾಯಿತು.

ಕೊಪ್ಪಳ: ಲಾಕ್​​ಡೌನ್​ ಕಾರಣ ಬಸ್​ ಸಂಚಾರವಿಲ್ಲದೆ ಊರಿಗೆ ಹೋಗಲು ವೃದ್ಧೆಯೋರ್ವರು ಪರದಾಡಬೇಕಾಯಿತು.

ಜಿಲ್ಲೆಯ ಕುಕನೂರು ತಾಲೂಕು ತಳಕಲ್ ಗ್ರಾಮದ ಸಿದ್ದಮ್ಮ ಎಂಬ ವೃದ್ಧೆಯ ಪತಿ ಭೀಮಯ್ಯಗೆ ಕೊರೊನಾ ಸೋಂಕು ತಗುಲಿದೆ. ಹಾಗಾಗಿ ಭೀಮಯ್ಯನನ್ನು ಗವಿಮಠ ವೃದ್ಧಾಶ್ರಮದ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಓದಿ : ಕೊಪ್ಪಳದಲ್ಲಿ 315 ಕೊರೊನಾ ಕೇಸ್​ ಪತ್ತೆ: 8 ಜನ ಸಾವು

ಪತಿಯೊಂದಿಗೆ ಬಂದಿದ್ದ ಅಜ್ಜಿಗೆ ಊರಿಗೆ ಹೋಗುವಂತೆ ವೈದ್ಯರು ತಿಳಿಸಿದ್ದರು. ಆದರೆ ವಾಪಸ್ ತಳಕಲ್​ಗೆ ಹೋಗಲು ವಾಹನ ವ್ಯವಸ್ಥೆಯಿಲ್ಲದೆ ಅಜ್ಜಿ ಪರದಾಡುವಂತಾಯಿತು.