ಗಂಗಾವತಿ (ಕೊಪ್ಪಳ): 8 ವರ್ಷದ ಹೆಣ್ಣು ಮಗುವನ್ನು ಅಪಹರಿಸಲು ಯತ್ನಿಸಿದ ಘಟನೆ ನಗರದ ಲಿಂಗರಾಜ್ ಕ್ಯಾಂಪಿನ ಮಟ್ಟಿ ಆಸ್ಪತ್ರೆಯ ಬಳಿ ನಡೆದಿದೆ. ಆರೋಪಿಯನ್ನು ಸ್ಥಳಿಯರು ಬೆನ್ನಟ್ಟಿ ಹಿಡಿದು ಧರ್ಮದೇಟು ಕೊಟ್ಟಿದ್ದಾರೆ.
ಬಳಿಕ ನಗರಠಾಣೆಗೆ ಕೆರೆತಂದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಬಂಧಿತ ಆರೋಪಿಯನ್ನು ಕೊಟ್ಟೂರೇಶ್ವರ ಕ್ಯಾಂಪ್ನ ನಿವಾಸಿ ಪ್ರವೀಣ ಎಂದು ಗುರುತಿಸಲಾಗಿದೆ.
ಮಗುವನ್ನು ಅಪಹರಿಸಲು ಯತ್ನ: ಸಿಕ್ಕಿಬಿದ್ದ ಖದೀಮನಿಗೆ ಸಖತ್ ಗೂಸಾ
ಮಹಮ್ಮದ್ ಮೇಸ್ತ್ರಿ ಎಂಬುವರ 8 ವರ್ಷದ ಹೆಣ್ಣು ಮಗು ಮನೆಯ ಮುಂದಿನ ಆವರಣದಲ್ಲಿ ಆಟವಾಡುತ್ತಿರುವಾಗ ಹೊಂಚು ಹಾಕಿದ ಆರೋಪಿ, ಮಗುವನ್ನು ಅಪಹರಿಸಿ ಸುಮಾರು 150 ಮೀಟರ್ ಓಡಿದ್ದಾನೆ. ಆದರೆ ಸ್ಥಳಿಯ ಯುವಕರು ಆರೋಪಿಯ ಬೆನ್ನು ಹತ್ತಿ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಬಳಿಕ ಪೊಲೀಸರ ವಶಕ್ಕೆ ಒಪ್ಪಿಸಿದ್ದಾರೆ.
