ಕೊಪ್ಪಳ: ಕೊರೊನಾ ಸೋಂಕು ನಿಯಂತ್ರಿಸುವ ನಿಟ್ಟಿನಲ್ಲಿ ವ್ಯಾಪಾರ-ವಹಿವಾಟಿಗೆ ನಿಷೇಧ ಹೇರಲಾಗಿತ್ತು. ನಿಷೇಧದ ನಡುವೆಯೂ ಬೆಳವನಾಳ ಸಮೀಪದ ಎಪಿಎಂಸಿಯ ಹೋಲ್ ಸೇಲ್ ತರಕಾರಿ ಮಾರುಕಟ್ಟೆಯಲ್ಲಿ ಇಂದು ಬೆಳಗ್ಗೆ ವ್ಯಾಪಾರ ಜೋರಾಗಿ ನಡೆದಿದೆ. ನಿಯಮಗಳನ್ನು ಗಾಳಿಗೆ ತೂರಿ ವ್ಯಾಪಾರ-ವಹಿವಾಟು ನಡೆಸಿದ್ದಾರೆ.
ನಿಷೇಧದ ನಡುವೆಯೂ ವ್ಯಾಪಾರ!
ಕೊರೊನಾ ಸೋಂಕು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಹಿನ್ನೆಲೆ ಈ ತರಕಾರಿ ಮಾರುಕಟ್ಟೆಯಲ್ಲಿ ವ್ಯಾಪಾರ ವಹಿವಾಟನ್ನು ಜಿಲ್ಲಾಧಿಕಾರಿ ನಿಷೇಧಿಸಿದ್ದರು. ನಿನ್ನೆ ತಡರಾತ್ರಿ ರೈತರನ್ನು ಎಪಿಎಂಸಿ ಅಧಿಕಾರಿಗಳು ವಾಪಸ್ ಕಳುಹಿಸಿದ್ದರು.
ಇದನ್ನೂ ಓದಿ: ಕುಕ್ಕುಟೋದ್ಯಮದ ಮೇಲೂ ಕೋವಿಡ್ ಕರಿಛಾಯೆ.. ಫೌಲ್ಟ್ರಿ ಮಾಲೀಕರು ತತ್ತರ
ರೈತರಿಂದಲೇ ನೇರವಾಗಿ ಮನೆ ಮನೆಗೆ ತರಕಾರಿ ಮಾರಾಟ ಮಾಡಲು ಜಿಲ್ಲಾಡಳಿತ ರೈತರಿಗೆ ಅವಕಾಶ ನೀಡಲಾಗಿತ್ತು. ಆದರೆ ಬೆಳಗಿನ ಜಾವ ನಿಷೇಧದ ನಡುವೆಯೂ ನಿಯಮಗಳನ್ನು ಲೆಕ್ಕಿಸದೇ ವ್ಯಾಪಾರ ವಹಿವಾಟು ನಡೆದಿದೆ.
