ಕೋಲಾರ : ಲೋಕಸಭಾ ರಣರಂಗದಲ್ಲಿ ಕಮಲ ಪಕ್ಷದಿಂದ ಭರ್ಜರಿ ಪ್ರಚಾರ ನಡೆಯಿತು, ಕಾಂಗ್ರೆಸ್ ಅಭ್ಯರ್ಥಿ ವಿರುದ್ದ ಗದಾ ಪ್ರಹಾರ ಮಾಡಿದ ಬಂಡಾಯ ನಾಯಕರು ಇದೊಂದು ಮಹಾಭಾರತ ಯುದ್ದವಿದ್ದಂತೆ, ಎಂದು ಬಣ್ಣಿಸುವ ಮೂಲಕ ರಣರಂಗದ ಅಖಾಡಕ್ಕಿಳಿದಿದ್ದಾರೆ..
ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್ ಯಡಿಯೂರಪ್ಪ ಅವರು ಕೋಲಾರ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಎಸ್.ಮುನಿಸ್ವಾಮಿ ಪರ ಭರ್ಜರಿ ಪ್ರಚಾರ ನಡೆಸಿದರು. ಹೆಲಿಕಾಪ್ಟರ್ ಮೂಲಕ ಮಾಲೂರಿಗೆ ಬಂದಿಳಿದ ಬಿಎಸ್ವೈ, ಮಾಲೂರು ಪಟ್ಟಣದಲ್ಲಿ ವೇದಿಕೆ ಕಾರ್ಯಕ್ರಮದಿಂದ ಪ್ರಚಾರ ಆರಂಭ ಮಾಡಿದರು. ಮಾಲೂರಿನಲ್ಲಿ ಬಿಎಸ್ವೈಗೆ ಕಾಂಗ್ರೇಸ್ ಬಂಡಾಯ ಎದ್ದಿರುವ ಮಾಜಿ ಶಾಸಕರಾದ ಕೊತ್ತೂರು ಮಂಜುನಾಥ್ ಹಾಗೂ ಚಿಂತಾಮಣಿಯ ಎಂ.ಸಿ.ಸುಧಾಕರ್ ಬಿಎಸ್ವೈಗೆ ಸಾತ್ ನೀಡಿದರು.
ಕಾರ್ಯಕ್ರಮಕ್ಕೂ ಮೊದಲು ಬಂಡಾಯ ಜೆಡಿಎಸ್ ಮುಖಂಡರನ್ನು ಬೇಟಿ ಮಾಡಿದ್ದ ಬಿಎಸ್ವೈ ಬಿಜೆಪಿಗೆ ಬೆಂಬಲ ಕೊರಿದರು. ನಂತರ ವೇದಿಕೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅಭ್ಯರ್ಥಿ ಮುನಿಸ್ವಾಮಿ ಪರ ಮತಯಾಚನೆ ಮಾಡಿದ್ರು. ಇದೇ ವೇಳೆ ಮಾತನಾಡಿದ ಬಿಎಸ್ವೈ ಪಕ್ಷದ ಪ್ರನಾಳಿಕೆಯ ಕೆಲವು ಅಂಶಗಳನ್ನು ಪ್ರಸ್ತಾಪಿಸಿದ್ರು. ಅಲ್ಲದೆ ಕಾಂಗ್ರೇಸ್ ಅಭ್ಯರ್ಥಿ ಕುತಂತ್ರ ರಾಜಕಾರಣ ಇನ್ನು ಮುಂದೆ ನಡೆಯಲ್ಲ ಇಷ್ಟು ದಿನ ಪ್ರತಿಸ್ಪರ್ಧಿ ಅಭ್ಯರ್ಥಿಗೆ ಚುನಾವಣೆ ಇನ್ನೆರಡು ಮೂರು ದಿನ ಇರುವಾಗ ಹಣಕೊಟ್ಟು ಕಳಿಸುತ್ತಿದ್ರು ಈಬಾರಿ ಅದು ಸಾಧ್ಯವಿಲ್ಲ ಎಂದರು.
ಇನ್ನು ಮಾಲೂರಿನಿಂದ ಪ್ರಚಾರ ಆರಂಭಿಸಿದ ಯಡಿಯೂರಪ್ಪ, ನಂತರ ಬಂಗಾರಪೇಟೆ ಪಟ್ಟಣದಲ್ಲಿ ಭರ್ಜರಿ ರೋಡ್ ಶೋ ನಡೆಸಿದರು. ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ತಮ್ಮ ಅಭ್ಯರ್ಥಿಗೆ ಮತ ನೀಡುವಂತೆ ಮನವಿ ಮಾಡಿದರು. ನಂತರ ಕೆಜಿಎಫ್ ವಿಧಾನಸಭಾ ಕ್ಷೇತ್ರದ ಬೇತಮಂಗಲದಲ್ಲಿ ಭರ್ಜರಿ ರೋಡ್ ಶೋ ನಡೆಸಿದರು. ಸಾವಿರಾರು ಸಂಖ್ಯೆಯಲ್ಲಿ ಸೇರಿದ್ದ ಜನರ ಮಧ್ಯೆ ಯಡಿಯೂರಪ್ಪ ಕೂಲಿಂಗ್ ಗ್ಲಾಸ್ ಹಾಕಿಕೊಂಡ ತಮ್ಮ ಕಾರ್ಯಕರ್ತರತ್ತ ಕೈ ಬೀಸಿ, ಬಿಜೆಪಿಗೆ ಬೆಂಬಲಿಸುವಂತೆ ಮನವಿ ಮಾಡಿದರು.
ನಂತರ ಮುಳಬಾಗಿಲು ನಗರದಲ್ಲಿ ಭರ್ಜರಿ ರೋಡ್ ಶೋ ಕಂಡು ಪುಳಕಿತರಾದರು. ಅಲ್ಲಿ ಕಿಕ್ಕಿರಿದು ಸೇರಿದ್ದ ಸಾವಿರಾರು ಸಂಖ್ಯೆಯ ಜನರನ್ನು ಕಂಡು ಪುಲ್ ಖುಷಿಯಾದರು. ಮುಳಬಾಗಿಲು ಪಟ್ಟಣದ ಅಂಬೇಡ್ಕರ್ ಪ್ರತಿಮೆಗೆ ಮಾಲಾರ್ಪಣೆ ಮಾಡಿ ಅಂಬೇಡ್ಕರ್ ಸರ್ಕಲ್ ನಿಂದ ಜೂನಿಯರ್ ಕಾಲೇಜು ಮೈದಾನದ ವರೆಗೆ ರೋಡ್ ನಡೆಸಿದರು. ಎಲ್ಲಾ ರೋಡ್ ಶೋನಲ್ಲಿ ಮಾಜಿ ಶಾಸಕರಾದ ಕೊತ್ತೂರು ಮಂಜುನಾಥ್ ಹಾಗೂ ಎಂ.ಸಿ.ಸುಧಾಕರ್ ಸಾತ್ ನೀಡಿದರು.
ಒಟ್ಟಾರೆ ಯಡಿಯೂರಪ್ಪ ಪ್ರಚಾರದಿಂದ ಮತ್ತು ಕಾಂಗ್ರೆಸ್ನ ಬಂಡಾಯವೆದ್ದಿರುವ ಮಾಜಿ ಶಾಸಕರುಗಳ ಪ್ರಚಾರದಿಂದ ಕೇಸರಿ ಪಕ್ಷದಲ್ಲಿ ಹೊಸ ಉತ್ಸಾಹ ಹೊಸ ಹುಮ್ಮಸ್ಸು ಮನೆ ಮಾಡಿದ್ದು, ಕ್ಷೇತ್ರದಲ್ಲಿ ಗೆಲುವಿನ ವಿಶ್ವಾಸ ವ್ಯಕ್ತ ಪಡಿಸುತ್ತಿದ್ದಾರೆ.
