ಕೋಲಾರ: ಆಂಧ್ರಪ್ರದೇಶದ ಚಿತ್ತೂರಿನಲ್ಲಿ ಬ್ಯಾಂಕ್ ಲೂಟಿಗೆ ಯತ್ನಿಸಿದ ಕೋಲಾರ ಮೂಲದ ಆರು ಮಂದಿ ಆರೋಪಿಗಳನ್ನು ಚಿತ್ತೂರು ಪೊಲೀಸರು ಬಂಧಿಸಿದ್ದಾರೆ. ಚಿತ್ತೂರು ಜಿಲ್ಲೆಯ ರಾಮಕುಪ್ಪಂನ ಸಪ್ತಗಿರಿ ಬ್ಯಾಂಕ್ ಲೂಟಿಗೆ ಆಂದ್ರಪ್ರದೇಶದ ಇಬ್ಬರೊಂದಿಗೆ ರಾಜ್ಯದ ಆರು ಮಂದಿ ಯತ್ನಿಸಿದ್ದರು.
ಗ್ಯಾಸ್ ಕಟ್ಟರ್ನಿಂದ ಬ್ಯಾಂಕ್ನ ಶೆಟರ್ ಕತ್ತರಿಸಿ ಆರೋಪಿಗಳು ಪ್ರವೇಶಿಸಿದ ತಕ್ಷಣ, ಬ್ಯಾಂಕ್ ಸೈರನ್ ಶಬ್ದ ಬಂದಿದೆ. ಇದನ್ನರಿತ ಲೂಟಿಕೋರರು ಸ್ಥಳದಿಂದ ಪರಾರಿಯಾಗಿದ್ದರು. ಕೃತ್ಯಕ್ಕೆ ಬೆಂಗಳೂರಿನ ಮಾರತ್ಹಳ್ಳಿಯಿಂದ ಗ್ಯಾಸ್ ಕಟರ್ ಖರೀದಿಸಿದ್ದರು ಎನ್ನಲಾಗಿದೆ.
ಪವನ್(20), ಅಂಬರೀಷ್(23), ಶ್ರೇಯಸ್(20), ಸುಮನ್(24) ಮಂಜುನಾಥ್ (26), ಶಿವ (29), ಚರಣ್ ಕುಮಾರ್ (24) ಹಾಗೂ ಕುಮಾರ್ (22) ಬಂಧಿತ ಆರೋಪಿಗಳಾಗಿದ್ದಾರೆ. ಇವರೆಲ್ಲ ಕೋಲಾರ ಜಿಲ್ಲೆಯ ಕೆಜಿಎಫ್ ಹಾಗೂ ಮಾಲೂರು ಮೂಲದವರಾಗಿದ್ದಾರೆ. ಚಿತ್ತೂರು ಪೊಲೀಸರು ಹೆಚ್ಚಿನ ವಿಚಾರಣೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ: ರಾಷ್ಟ್ರಪತಿ, ಪ್ರಧಾನಿ ಭೇಟಿ ನಡುವೆಯೇ ಕಾನ್ಪುರದಲ್ಲಿ ಕೋಮು ಗಲಾಟೆ, ಕಲ್ಲು ತೂರಾಟ
