ದೆಹಲಿ ಮೂಲದ 20 ಧರ್ಮ ಪ್ರಚಾರಕರಿಗೆ ಕೋಲಾರದಲ್ಲಿ ಕ್ವಾರಂಟೈನ್​

ಸ್ಥಳೀಯರ ವಿರೋಧದ ನಡುವೆಯೂ ದೆಹಲಿ ಮೂಲದ 20 ಜನರನ್ನು ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯಲ್ಲಿ ಕ್ವಾರಂಟೈನ್​ ಮಾಡಲಾಗುತ್ತಿದೆ.

ಕೋಲಾರ: ಸ್ಥಳೀಯರ ವಿರೋಧದ ನಡುವೆಯೂ ಐಸೋಲೇಶಷ​ನಲ್ಲಿದ್ದ ಇಪ್ಪತ್ತು ಜನರಿಗೆ ಕೋಲಾರದ ವಸತಿ ಶಾಲೆಯೊಂದರಲ್ಲಿ ಕ್ವಾರಂಟೈನ್​ ಮಾಡಲಾಗುತ್ತಿದೆ.

ದೆಹಲಿ ಮೂಲದ 20 ಜನ ಧರ್ಮ ಪ್ರಚಾರಕರಿಗೆ ಕೋಲಾರ‌ ಜಿಲ್ಲೆಯ ಬಂಗಾರಪೇಟೆ ತಾಲೂಕಿನ ಎಳೇಸಂದ್ರದ ಬಳಿ ಇರುವಂತಹ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯಲ್ಲಿ ಕ್ವಾರಂಟೈನ್​ ಮಾಡಲಾಗುತ್ತಿದೆ.

ಇನ್ನು ನಿನ್ನೆಯಿಂದ ಕೋಲಾರದ ಎರಡು ಭಾಗದಲ್ಲಿ ಐಸೋಲೇಷನ್​ನಲ್ಲಿದ್ದ ದೆಹಲಿ ಧರ್ಮ ಪ್ರಚಾರಕರಿಗೆ ಕ್ವಾರಂಟೈನ್​ ಮಾಡಲು ಅಧಿಕಾರಿಗಳು ಮುಂದಾಗಿದ್ದರು ಆದರೆ, ಸ್ಥಳೀಯರು ಇದಕ್ಕೆ ವಿರೋಧ ವ್ಯಕ್ತಪಡಿಸುವುದರೊಂದಿಗೆ ಪ್ರತಿಭಟನೆ ನಡೆಸಿದ್ದರು. ಅಲ್ಲದೇ ಐಸೋಲೇಷನ್ ನಲ್ಲಿದ್ದವರನ್ನ ಕರೆದುಕೊಂಡು ಹೋಗುವ ದಾರಿಯನ್ನ ಬಂದ್ ಮಾಡಿ ದಾರಿಗೆ ಅಡ್ಡಲಾಗಿ ಕಲ್ಲುಮುಳ್ಳುಗಳನ್ನ ಹಾಕಿ ವಿರೋಧ ವ್ಯಕ್ತಪಡಿಸಿದ್ರು. ಇದರಿಂದಾಗಿ ಅಧಿಕಾರಿಗಳು ನಿನ್ನೆ ಬೆಳಗ್ಗೆಯಿಂದ ಸಂಜೆಯವರೆಗೆ ಕ್ವಾರಂಟೈನ್​ನಲ್ಲಿಡಲು ಪರದಾಡುವಂತಹ ಪರಿಸ್ಥಿತಿ ಎದುರಾಗಿತ್ತು.

ಇಂದು ಕೋಲಾರ ಜಿಲ್ಲೆಯ ಬಂಗಾರಪೇಟೆ ತಾಲೂಕು ಎಳೆಸಂದ್ರ ಬಳಿಯ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯಲ್ಲಿ, 20 ಜನರಿಗೆ ಕ್ವಾರಂಟೈನ್​ ಮಾಡಲಾಗುತ್ತಿದೆ. ಅಲ್ಲದೆ ಮುನ್ನಚ್ಚರಿಕೆ ಕ್ರಮವಾಗಿ ವಸತಿ ಶಾಲೆ ಬಳಿ ಬಿಗಿ ಪೊಲೀಸ್ ಬಂದೋಬಸ್ತ್ ಮಾಡಲಾಗಿದೆ.