ಕೊಡಗು: ಬಿಜೆಪಿ ಕಾರ್ಯಕರ್ತ ಪ್ರವೀಣ್ ನೆಟ್ಟಾರು ಹತ್ಯೆ ಮಾಡಿದ ಆರೋಪಿಗಳಿಗಾಗಿ ಎನ್ಐಎ ತಂಡ ತೀವ್ರ ಹುಡುಕಾಟ ನಡೆಸಿದೆ. ಆರೋಪಿಗಳ ಸುಳಿವು ಸಿಗದ ಹಿನ್ನೆಲೆಯಲ್ಲಿ ಎನ್ಐಎ ನಾಲ್ವರ ವಾಂಟೆಂಡ್ ಲಿಸ್ಟ್ ರೀಲಿಸ್ ಮಾಡಿದೆ. ಅದರಲ್ಲಿ ಕೊಡಗು ಮೂಲದ ತೂಫೈಲ್ ಎಂಬ ಓರ್ವ ಆರೋಪಿದ್ದು ಆತನಿಗಾಗಿ ತೀವ್ರ ಶೋಧ ನಡೆಸಿದ್ದಾರೆ.
ಮೂಲತಃ ಮಡಿಕೇರಿಯ ಗದ್ದಿಗೆಯ ನಿವಾಸಿಯಾಗಿರುವ ತುಫೈಲ್, ನೆಟ್ಟಾರು ಹತ್ಯೆ ಮಾಡಿದ ದಿನ ಆರೋಪಿಗಳಿಗೆ ಉಳಿದುಕೊಳ್ಳಲು ವಸತಿ ವ್ಯವಸ್ಥೆ ಮಾಡಿದ್ದ ಎಂಬ ಆರೋಪ ಇದೆ. ಹೀಗಾಗಿ ಈತನಿಗಾಗಿಯೂ ಪೊಲೀಸರು ಶೋಧನೆ ನಡೆಸುತ್ತಿದ್ದಾರೆ.
ಅಲ್ಲದೇ ಈತ ನಿಷೇಧಿತ ಸಂಘಟನೆ ಪಿಎಫ್ಐ (Popular Front of India) ಸಂಘಟನೆಯಲ್ಲೂ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದ ಎನ್ನಲಾಗುತ್ತಿದೆ. ಹೀಗಾಗಿ ತುಫೈಲ್ನನ್ನು ಹುಡುಕಿಕೊಂಡು ಎನ್ಐಎ ತಂಡ ಸೆಪ್ಟೆಂಬರ್ನಲ್ಲಿ ಎರಡು ಭಾರಿ ಕೊಡಗಿಗೆ ಬಂದು ಬಂದಿತ್ತು. ಅದೇ ತಿಂಗಳ 6 ಮತ್ತು 22 ರಂದು ಕೊಡಗಿಗೆ ಭೇಟಿಕೊಟ್ಟ ತಂಡ, ತುಫೈಲ್ ಮನೆ ಸೇರಿದಂತೆ ಮಡಿಕೇರಿಯ ಸಾಕಷ್ಟು ಸ್ಥಳಗಲ್ಲಿ ಹುಡುಕಾಟ ನಡೆಸಿತ್ತು. ಆದರೆ ಅಧಿಕಾರಿಗಳಿಗೆ ಯಾವುದೇ ಮಾಹಿತಿ ಲಭ್ಯವಾಗಿರಲಿಲ್ಲ. ಕಳೆದ ಹಲವು ದಿನಗಳಿಂದ ಆರೋಪಿಗಳ ಪತ್ತೆಯಾಗದ ಹಿನ್ನೆಲೆ ಇದೀಗ ಎನ್ಐಎ ತಂಡ ತುಫೈಲ್ ಸೇರಿದಂತೆ ನಾಲ್ಕು ಜನರ ವಾಂಟೆಂಡ್ ಲಿಸ್ಟ್ ರೀಲಿಸ್ ಮಾಡಿದೆ.
ತುಫೈಲ್ ತಲೆಗೆ 5 ಲಕ್ಷ ಪರಿಹಾರದ ಮೊತ್ತವನ್ನ ಘೋಷಿಸಿರುವ ಎನ್ಐಎ ಮಡಿಕೇರಿ ನಗರ ಪೊಲೀಸರ ಸಹಾಯದಿಂದ ಆತನ ಮನೆ ಸೇರಿದಂತೆ ಸುಮಾರು 40 ಕಡೆಗಳಲ್ಲಿ ವಾಂಟೆಡ್‌ ಪೋಸ್ಟರ್ ಅಂಟಿಸಿಸಿದೆ. ಯಾರಾದರು ಇತನ ಸುಳಿವು ನೀಡುವಂತೆ ಸೂಚನೆ ನೀಡಿದೆ. ಆದರೆ, ತುಫೈಲ್ ಮನೆ ಬಿಟ್ಟು 8 ತಿಂಗಳಾಗಿದೆ.
ಮತ್ತೆ ತಿರುಗಿ ಬಂದಿಲ್ಲ. ಅವನಿಗೂ ನಮಗೂ ಜಗಳವಾಗಿ. ನಾವು ಬೇರೆ ಇದ್ದೆವು. ಸುಮಾರು 8 ತಿಂಗಳಿಂದ ಆತ ನಮ್ಮ ಸಂಪರ್ಕದಲ್ಲಿಲ್ಲ ಎನ್ನುತ್ತಿದ್ದಾರೆ ಆತನ ಪೋಷಕರರು. ಪ್ರವಿಣ್ ಹತ್ಯೆ ವೇಳೆ ಆತ ಕೊಡಗಿನಲ್ಲೆ ಇದ್ದ. ನಂತರ ಪರಾರಿಯಾಗಿರಬಹುದು ಅನ್ನೋದು ಎನ್ಐಎ ಅಧಿಕಾರಿಗಳ ಶಂಕೆ.
ಇದನ್ನೂ ಓದಿ: ಬಡ ದಂಪತಿಯ 6 ವರ್ಷದ ಮಗುವಿಗೆ ಒದ್ದ ಸಿರಿವಂತ ಯುವಕ: ಕಾರು ಮುಟ್ಟಿದ್ದೇ ಮಹಾಪರಾಧ!
