ಹಿಂದುತ್ವ ವಿರೋಧಿ ಆಡಳಿತ ವಿರೋಧಿಸಿ ಶಿಂಧೆ ಹೊರ ಬಂದಿರುವುದು : ಸಚಿವ ಪ್ರಭು ಚೌಹಾಣ್

ಉದ್ದವ್ ಠಾಕ್ರೆ ಅವರ ಕುರ್ಚಿಯ ಆಸೆಯಿಂದಾಗಿ ಇಂದು ಮಹಾರಾಷ್ಟ್ರದಲ್ಲಿ ರಾಜಕೀಯ ಸಮಸ್ಯೆ ಉದ್ಭವವಾಗಿದೆ. ಬಿಜೆಪಿ ಮೈತ್ರಿ ಮಾಡದ ಕಾರಣ ಹಿಂದುತ್ವ ವಿರೋಧಿ ನೆಲೆ ಖಂಡಿಸಿ ಶಿಂಧೆ ಹೊರ ಬಂದಿದ್ದಾರೆ ಎಂದು ಸಚಿವ ಚೌಹಾಣ್​ ಹೇಳಿದರು..

ಕೊಡಗು : ಮಹಾರಾಷ್ಟ್ರದಲ್ಲಿ ನಡೆಯುತ್ತಿರುವ ರಾಜಕೀಯ ಬೆಳವಣಿಗೆಯ ಕುರಿತು ಕೊಡಗಿನಲ್ಲಿ ಸಚಿವ ಪ್ರಭು ಚೌಹಾಣ್ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದರು. ಮಹಾರಾಷ್ಟ್ರದಲ್ಲಿ 30 ವರ್ಷದಿಂದ ಬಿಜೆಪಿ, ಶಿವಸೇನೆ ಮೈತ್ರಿಯಲ್ಲಿದ್ದವು.

ಆದರೆ, ಉದ್ದವ್ ಠಾಕ್ರೆ ಮುಖ್ಯಮಂತ್ರಿ ಸ್ಥಾನಕ್ಕಾಗಿ ಕಾಂಗ್ರೆಸ್​ನೊಂದಿಗೆ ಮೈತ್ರಿ ಮಾಡಿಕೊಂಡರು. ಸರ್ಕಾರದಲ್ಲಿನ ಹಿಂದುತ್ವ ವಿರೋಧಿ ವಿಚಾರಗಳಿಂದಾಗಿ ಎಂಎಲ್​ಎಗಳು ಏಕನಾಥ ಶಿಂಧೆ ಜೊತೆ ಹೊರಗೆ ಬಂದಿದ್ದಾರೆ ಎಂದರು.

ಕರ್ನಾಟಕದಲ್ಲಿ ಜೆಡಿಎಸ್​-ಕಾಂಗ್ರೆಸ್​ ಮೈತ್ರಿ ಇದ್ದಾಗ ಹೇಗೆ ಕೆಲಸಗಳು ಆಗುತ್ತಿರಲಿಲ್ಲವೋ ಹಾಗೆ ಅಲ್ಲಿಯೂ ಆಗಿದೆ. ಬಿಜೆಪಿ ಯಾವುದೇ ಆಪರೇಷನ್ ಕಮಲ ಮಾಡುತ್ತಿಲ್ಲ ಎಂದರು. ಇದೇ ವೇಳೆ ಕೊಡಗಿನ ಪಶುಸಂಗೋಪನಾ, ಜಾನುವಾರು, ಹಂದಿ ಮತ್ತು ಕೋಳಿ ಸಾಕಾಣಿಕಾ ಕೇಂದ್ರಗಳನ್ನು ಪರಿಶೀಲಿಸಿದರು.

ಇದನ್ನೂ ಓದಿ : 50 ಶಾಸಕರು ನಮ್ಮೊಂದಿಗಿದ್ದಾರೆ, ಶೀಘ್ರವೇ ಮುಂಬೈಗೆ ಹೋಗ್ತೀವಿ : ಏಕನಾಥ್ ಶಿಂಧೆ