'ಹಣ ಜಾಸ್ತಿ ಇದ್ದರೆ ಬಿಜೆಪಿಯವರ ಮನೆ ಮೇಲೂ ದಾಳಿ‌ ಮಾಡುತ್ತೆ'.. ಸಚಿವ ಪೂಜಾರಿ ತಿರುಗೇಟು

ಹಣ ಕಳೆದುಕೊಂಡಾಗ ಇಡಿ ದೂರುವುದು ಸಾಮಾನ್ಯ. ಅದೇ ರೀತಿ ಇದೀಗ ಕಾಂಗ್ರೆಸ್​ ನಾಯಕರು ಮಾಡುತ್ತಿದ್ದಾರೆ. ಇಡಿ ತನ್ನಷ್ಟಕ್ಕೆ ಕೆಲಸ ಮಾಡುತ್ತೆ. ಅದಕ್ಕೂ ಸರ್ಕಾರಕ್ಕೂ ಏನೂ ಸಂಬಂಧ ಇಲ್ಲ ಎಂದು ಕೋಟಾ ಶ್ರೀನಿವಾಸ ಪೂಜಾರಿ ಟಾಂಗ್​ ನೀಡಿದ್ದಾರೆ.

ಕೊಡಗು: ಇಡಿ ಎನ್ನುವುದು ಸರ್ಕಾರೇತರ ಸಂಸ್ಥೆ. ಹಣ ಜಾಸ್ತಿ ಇದ್ರೆ ಬಿಜೆಪಿಯವರ ಮನೆ ಮೇಲೂ ದಾಳಿ‌ ಮಾಡುತ್ತೆ. ಕಾಂಗ್ರೆಸ್​ ಮೇಲೂ ದಾಳಿ ಮಾಡುತ್ತೆ. ಅದು ಯಾವುದೇ ಪಕ್ಷವನ್ನು ಹುಡುಕುವುದಿಲ್ಲ. ಅಕ್ರಮ ಹಣವನ್ನ ಹುಡುಕುತ್ತೆ ಎಂದು ಸಿದ್ದರಾಮಯ್ಯ ಅವರಿಗೆ ಕೋಟಾ ಶ್ರೀನಿವಾಸ ಪೂಜಾರಿ ಟಾಂಗ್​ ನೀಡಿದ್ದಾರೆ.

ಕೊಡಗು ಉಸ್ತುವಾರಿ ಸಚಿವರಾಗಿ ಆಯ್ಕೆಯಾದ ಕೋಟಾ ಶ್ರೀನಿವಾಸ ಪೂಜಾರಿ ಅವರು ಜಿಲ್ಲೆಗೆ ಭೇಟಿ ನೀಡಿ, ಕೋವಿಡ್​ ನಿಯಂತ್ರಣ ಕುರಿತು ಜಿಲ್ಲಾ ಮಟ್ಟದ ಅಧಿಕಾರಿಗಳ ಜೊತೆ ಸಭೆ ನಡೆಸಿದರು.

ನಂತರ ಜಮೀರ್​ ಅಹಮದ್ ಮನೆ ಮೇಲೆ ಇಡಿ ದಾಳಿಯ ಕುರಿತು ಮಾತನಾಡಿದರು. ಹಣ ಕಳೆದುಕೊಂಡಾಗ ಇಡಿಯನ್ನ ದೂರುವುದು ಸಾಮಾನ್ಯ. ಅದೇ ರೀತಿ, ಇದೀಗ ಕಾಂಗ್ರೆಸ್​ ನಾಯಕರು ಮಾಡುತ್ತಿದ್ದಾರೆ. ಇಡಿ ತನ್ನಷ್ಟಕ್ಕೆ ಕೆಲಸ ಮಾಡುತ್ತೆ. ಅದಕ್ಕೂ ಸರ್ಕಾರಕ್ಕೂ ಏನೂ ಸಂಬಂಧ ಇಲ್ಲ ಎಂದರು.

ಕಾಂಗ್ರೆಸ್​ನ ಬಹುತೇಕ ನಾಯಕರು ಇದು ರಾಜಕೀಯ ಪ್ರೇರಿತ ಎನ್ನುತ್ತಾರೆ. ರಾಜಕೀಯಕ್ಕೂ ದಾಳಿಗೂ ಸಂಬಂಧವಿಲ್ಲ. ಕಾಂಗ್ರೆಸ್ಸಿಗರಿಗೆ ಬೇರೆ ದಾರಿ‌ ಇಲ್ಲ. ರಾಜಕೀಯ ಅಂತ ಹೇಳ್ತಾರೆ. ತಪ್ಪನ್ನು ಸಮರ್ಥಿಸಿಕೊಳ್ಳೋದು ಯಾರಿಗೂ ಸರಿಯಲ್ಲ. ಇಡಿ ದಾಳಿಯಾದವರು ತಮ್ಮ ಆಕ್ರಮಣವನ್ನ ಕಡಿಮೆ ಮಾಡೋದು ಒಳಿತು ಎಂದರು.

ಓದಿ: ಮಾಜಿ ಸಿಎಂ BSY ವಿರುದ್ಧ ಭ್ರಷ್ಟಾಚಾರ ಆರೋಪ: ಅರ್ಜಿ ವಜಾಗೊಳಿಸಿದ ಹೈಕೋರ್ಟ್