ಪ್ರಾಣಿಗಳ ಅಪರೂಪದ ಬಾಂಧವ್ಯ: ದಿನನಿತ್ಯ ಬೆಕ್ಕಿಗೆ ಹಾಲುಣಿಸುತ್ತೆ ಈ ಶ್ವಾನ! ವಿಡಿಯೋ

ಮನುಷ್ಯರಿಗಿಂತಲೂ ಪ್ರಾಣಿಗಳು, ಮಮತೆ, ಪ್ರೀತಿ, ವಿಶ್ವಾಸದಲ್ಲಿ ಮೇಲು ಎಂಬ ಮಾತಿಗೆ ಅದೆಷ್ಟೋ ನಿದರ್ಶನಗಳಿವೆ. ಅದರಂತೆ ವಿರಾಜಪೇಟೆ ತಾಲೂಕಿನಲ್ಲಿ ಶ್ವಾನವೊಂದು ಬೆಕ್ಕಿಗೆ ಹಾಲುಣಿಸುವ ಅಪರೂಪದ ದೃಶ್ಯ ಬೆಳಕಿಗೆ ಬಂದಿದೆ.

ವಿರಾಜಪೇಟೆ/ಮಡಿಕೇರಿ: ಬೆಕ್ಕು ಮತ್ತು ನಾಯಿ ಪರಮ ಶತ್ರುಗಳು ಅಂತಾರೆ. ಆದರೆ ಇಲ್ಲೊಂದು ನಾಯಿಯು ಬೆಕ್ಕಿಗೆ ಹಾಲುಣಿಸಿ ತಾಯಿ ಪ್ರೀತಿಯನ್ನು ತೋರಿಸುತ್ತಿರುವ ಅಪರೂಪದ ಘಟನೆ ವಿರಾಜಪೇಟೆ ತಾಲೂಕಿನ ನೆಮ್ಮಲೆ ಗ್ರಾಮದಲ್ಲಿ ಬೆಳಕಿಗೆ ಬಂದಿದೆ.

ಗ್ರಾಮದ ಚೆಟ್ಟಂಗಡ ಗಿಣಿ ತಿಮ್ಮಯ್ಯ ಅವರ ಮನೆಯಲ್ಲಿ ಈ ಅಪರೂಪದ ದೃಶ್ಯ ಕಂಡು ಬಂದಿದೆ. ‌ಪ್ರತಿನಿತ್ಯ ಬೆಕ್ಕಿಗೆ ನಾಯಿ ಹಾಲುಣಿಸುತ್ತಿರುವುದು ವಿಶೇಷ.

ಬೆಕ್ಕಿಗೆ ತಾಯಿ ಪ್ರೀತಿ ತೋರಿಸುತ್ತಿರುವ ನಾಯಿಯ ಮಮತೆ ಅಪರೂಪವಾದದ್ದು. ಇವುಗಳ ಅನ್ಯೋನ್ಯತೆ ಕಂಡು ಮನೆಮಂದಿ ಹಾಗೂ ಸ್ಥಳೀಯರು ಅಚ್ಚರಿ ಜೊತೆ ಸಂತಸ ವ್ಯಕ್ತಪಡಿಸುತ್ತಾರೆ.