ಕಲಬುರಗಿ: ಕೊರೊನಾಗೆ ಇಬ್ಬರು ಬಲಿ... 285 ಜನರಿಗೆ ಸೋಂಕು

ಕಲಬುರಗಿಯಲ್ಲಿಂದು 285 ಜನರಿಗೆ ಸೋಂಕು ತಗುಲಿದ್ದು, ಇಬ್ಬರು ಸೋಂಕಿಗೆ ಬಲಿಯಾಗಿದ್ದಾರೆ. 152 ಜನ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ.

ಕಲಬುರಗಿ: ಜಿಲ್ಲೆಯಲ್ಲಿ ಕೊರೊನಾ ಸೋಂಕಿಗೆ ಮತ್ತಿಬ್ಬರು ಬಲಿಯಾಗಿದ್ದು, ಈ ಮೂಲಕ ಸೋಂಕಿನಿಂದ ಸಾವನ್ನಪ್ಪಿದವರ ಸಂಖ್ಯೆ 113ಕ್ಕೆ ಏರಿಕೆಯಾಗಿದೆ.

ಕಲಬುರಗಿ ಎಂ.ಎಸ್.ಕೆ.ಮಿಲ್ (ಮೋಲಾಲಿ ಕಟ್ಟಾ) ಪ್ರದೇಶದ 35 ವರ್ಷದ ಮಹಿಳೆ (P-132727) ಹಾಗೂ ರಾಮ‌ ನಗರದ 60 ವರ್ಷದ ವೃದ್ಧೆ (P-141524) ಮೃತಪಟ್ಟವರಾಗಿದ್ದಾರೆ.

ಇಂದು‌‌ ಜಿಲ್ಲೆಯಲ್ಲಿ 285 ಜನರಿಗೆ ಸೋಂಕು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 6222ಗೆ ತಲುಪಿದೆ. 152 ಜನ ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದು, ಡಿಸ್ಚಾರ್ಜ್ ಆದವರ ಸಂಖ್ಯೆ 3470 ಕ್ಕೆ ಏರಿಕೆಯಾಗಿದೆ. ಇನ್ನುಳಿದಂತೆ 2639 ಸಕ್ರಿಯ ಪ್ರಕರಣಗಳಿವೆ.