ಹಾವೇರಿ : ಬಿಜೆಪಿ ಮಾಜಿ ಶಾಸಕ ಯು ಬಿ ಬಣಕಾರ ಉಪ ಚುನಾವಣೆಗೆ ಸ್ಪರ್ಧಿಸುವ ಬಗ್ಗೆ ನಿರ್ಧಾರ ತಿಳಿಸುವಂತೆ ಪಟ್ಟು ಹಿಡಿದು ಅಭಿಮಾನಿಯೊಬ್ಬ ವಿಷ ಸೇವನೆಗೆ ಯತ್ನಿಸಿರುವ ಘಟನೆ ಹಿರೇಕೆರೂರಿನಲ್ಲಿ ನಡೆದಿದೆ.
ಮಾಜಿ ಶಾಸಕ ಯು ಬಿ ಬಣಕಾರ ಸ್ಪರ್ಧೆ ಕುರಿತಂತೆ ಹೈಡ್ರಾಮಾ..
ಬಿಜೆಪಿ ಟಿಕೆಟ್ ಕೊಡಬೇಕು, ಇಲ್ಲದಿದ್ರೆ ಪಕ್ಷೇತರರಾಗಿ ನಿಲ್ಲಬೇಕೆಂದು ಬೆಂಬಲಿಗರು ಒತ್ತಾಯಿಸಿದ್ದಾರೆ. ನಿಮ್ಮನ್ನೆ ನಂಬಿದ ಕಾರ್ಯಕರ್ತರಿಗೆ ವಿಷ ಕೊಡಿ ಎಂದು ಬಸವರಾಜ ಎಂಬ ಅಭಿಯಾನಿಯೊಬ್ಬ ಸಿಡಿಮಿಡಿ ವ್ಯಕ್ತಪಡಿಸಿದ. ಮುಂದುವರೆದು ಸ್ಪರ್ಧೆ ಬಗ್ಗೆ ಸ್ಪಷ್ಟ ನಿರ್ಧಾರ ತಳೆಯಬೇಕೆಂದು ಆಗ್ರಹಿಸಿ ವಿಷ ಸೇವಿಸಲು ಮುಂದಾಗಿದ್ದ. ಇದೆಲ್ಲ ಹೈಡ್ರಾಮಾ ನಡೆಯುವಾಗ ಸ್ವತಃ ಬಣಕಾರ್‌ ಪ್ರತ್ಯಕ್ಷದರ್ಶಿಯಾಗಿದ್ದರು. ಕೊನೆಗೆ ಬಣಕಾರ್‌ ಹಾಗೂ ಕಾರ್ಯಕರ್ತರು ವಿಷದ ಬಾಟಲಿ ಕಸಿದುಕೊಂಡಿದ್ದಾರೆ.
ಬೆಂಬಲಿಗರು ಉಪ ಚುನಾವಣೆಗೆ ಸ್ಪರ್ಧಿಸುವಂತೆ ಒತ್ತಡ ಹೇರುತ್ತಿದ್ದಾರೆ. ಆದರೆ, ತಮ್ಮ ಬೆಂಬಲಿಗರನ್ನ ಮನವೊಲಿಸಲು ಬಣಕಾರ ಹರಸಾಹಸಪಡ್ತಿದ್ದಾರೆ.
