ರಾಣೇಬೆನ್ನೂರಲ್ಲಿ ಶ್ರೀ ವೇಮನ 608ನೇ ಜಯಂತಿ: ಶಾಸಕ ಅರುಣಕುಮಾರ ಪೂಜಾರ ಚಾಲನೆ

ರಾಣೇಬೆನ್ನೂರಿನ ವೇಮನ ಆವರಣದಲ್ಲಿ ಮಹಾಯೋಗಿ ಶ್ರೀ ವೇಮನರ 608ನೇ ಜಯಂತಿ ಆಚರಿಸಲಾಯಿತು. ಶಾಸಕ ಅರುಣಕುಮಾರ ಪೂಜಾರ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ರಾಣೇಬೆನ್ನೂರು(ಹಾವೇರಿ) : ಜನರಿಗೆ ನಿಜ ಬದುಕಿನ ಪರಮ ಸತ್ಯವನ್ನು ತೋರಿಸಿದ ಮಹಾಸಂತರಲ್ಲಿ ಮಹಾಯೋಗಿ ಶ್ರೀ ವೇಮನರ ಆದರ್ಶಗಳನ್ನು ಎಲ್ಲರೂ ಅಳವಡಿಸಿಕೊಳ್ಳಬೇಕು ಎಂದು ಶಾಸಕ ಅರುಣಕುಮಾರ ಪೂಜಾರ ಹೇಳಿದರು.

ನಗರದ ವೇಮನ ಆವರಣದಲ್ಲಿ ನಡೆದ ಮಹಾಯೋಗಿ ಶ್ರೀ ವೇಮನರ 608ನೇ ಜಯಂತಿ ಉದ್ಘಾಟಿಸಿ ಮಾತನಾಡಿದ ಅವರು, ಶರಣರು ಎಂದಿಗೂ ಆ ಜಾತಿ, ಈ ಜಾತಿ ಎಂದು ಗುರುತಿಸಲಿಲ್ಲ. ಈಗ ನಾವು ಜಾತಿ-ಜಾತಿ ಎಂದು ಹೊಡೆದಾಡುತ್ತಿದ್ದೇವೆ. ಮಹಾಯೋಗಿ ವೇಮನರು ತತ್ವಾದರ್ಶನಗಳನ್ನು ಹೊಂದಿರುವ ಮಹಾನ್ ವ್ಯಕ್ತಿ. ಅಂತವರು ಬಿಟ್ಟು ಹೋಗಿರುವ ಆದರ್ಶಗಳನ್ನು ನಾವೆಲ್ಲರೂ ಪಾಲಿಸಬೇಕು ಎಂದರು.

ಕಾರ್ಯಕ್ರಮದಲ್ಲಿ ತಹಶೀಲ್ದಾರ್​ ಬಸನಗೌಡ ಕೊಟೂರು, ಆರ್​.ಎಫ್. ರಾಯರೆಡ್ಡಿ, ಚೋಳಪ್ಪ ಕಸವಾಳ, ಪ್ರಶಾಂತ ರೆಡ್ಡಿ, ನಿಂಗರೆಡ್ಡಿ ಕೆಂಚರೆಡ್ಡಿ ಮುಂತಾದವರು ಹಾಜರಿದ್ದರು.