ಹಾವೇರಿ: ರಾಣೆಬೆನ್ನೂರು ತಾಲೂಕಿನ ಹನುಮನಹಳ್ಳಿಯ ಗ್ರಾಮದ ಬೀರಪ್ಪ ಅವರ ಕುಟುಂಬ ಕೂಲಿನಾಲಿ ಮಾಡಿಕೊಂಡು ಕಡುಬಡತನದಲ್ಲಿ ಜೀವನ ಸಾಗಿಸುತ್ತಿದೆ. ಮನೆಯ ಯಜಮಾನ ಬೀರಪ್ಪನವರ ಮೂತ್ರಪಿಂಡಗಳು ವೈಫಲ್ಯಗೊಂಡಿದ್ದು, ನೆರವಿಗೆ ಕುಟುಂಬ ಮನವಿ ಮಾಡಿದೆ.
ಬೀರಪ್ಪನವರಿಗೆ ಆನಾರೋಗ್ಯ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ವಿವಿಧೆಡೆ ಚಿಕಿತ್ಸೆ ಪಡೆದಿದ್ದಾರೆ. ದಾವಣಗೆರೆ ಆಸ್ಪತ್ರೆಯಲ್ಲಿ ತೋರಿಸಿದಾಗ ಅವರ ಎರಡೂ ಮೂತ್ರಪಿಂಡಗಳು ವೈಫಲ್ಯಗೊಂಡಿರುವ ವಿಚಾರ ತಿಳಿದಿದೆ. ವೈದ್ಯರು ಆದಷ್ಟು ಬೇಗ ಮೂತ್ರಪಿಂಡ ಬದಲಾವಣೆ ಮಾಡುವಂತೆ ಸಲಹೆ ನೀಡಿದ್ದಾರೆ. ಸರಿಯಾದ ವೇಳೆಗೆ ಮೂತ್ರಪಿಂಡ ಬದಲಾಯಿಸಿದರೆ ಸ್ವಲ್ಪವಾದರೂ ಆರೋಗ್ಯದಿಂದ ಬದುಕಬಹುದು ಎಂದಿದ್ದಾರೆ. ಸಂಬಂಧಿಕರಲ್ಲಿ ಮೂತ್ರಪಿಂಡ ದಾನಕ್ಕೆ ಕೇಳುವಂತೆ ವೈದ್ಯರು ಬೀರಪ್ಪನಿಗೆ ಸೂಚಿಸಿದ್ದಾರೆ.
ವ್ಯಕ್ತಿಯ ಮೂತ್ರಪಿಂಡಗಳು ವೈಫಲ್ಯ - ಸಹಾಯಕ್ಕೆ ಅಂಗಲಾಚುತ್ತಿದೆ ಕುಟುಂಬ
