ಹಾವೇರಿ: ಮೇ 5ರಿಂದ ಮೇ 12ರವರೆಗೆ ಮೂರು ಬಾರಿ ಮುಂಬೈಗೆ ಹೋಗಿ ಬಂದಿದ್ದ ಲಾರಿ ಚಾಲಕನಿಗೆ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದ್ದು, ಚಾಲಕ ನಿನ್ನೆ ತಡರಾತ್ರಿ ಕೋವಿಡ್-19 ಆಸ್ಪತ್ರೆಗೆ ದಾಖಲಾಗಿದ್ದಾನೆ.
ಹಾವೇರಿ ಕೋವಿಡ್-19 ಆಸ್ಪತ್ರೆ
ಲಾರಿ ಚಾಲಕ ಗಂಟಲು ದ್ರವದ ಮಾದರಿಯನ್ನು ಟೆಸ್ಟ್ಗೆ ನೀಡಿದ ನಂತರವೂ ಸಹ ಶುಕ್ರವಾರ ಬೆಂಗಳೂರಿಗೆ ಹೋಗಿದ್ದಾನೆ. ವರದಿ ಬರುವ ಮುನ್ನವೇ ಚಾಲಕ ಬೆಂಗಳೂರಿಗೆ ಹೋಗಿ ಬಂದಿರುವುದು ತೀವ್ರ ಆತಂಕ ಮೂಡಿಸಿದೆ.
ನಿನ್ನೆ ಬೆಂಗಳೂರಿನ ಯಶವಂತಪುರ ಮಾರುಕಟ್ಟೆಗೆ ಮಾವು ತೆಗೆದುಕೊಂಡು ಹೋಗಿದ್ದ. ಸೋಂಕು ದೃಢಪಟ್ಟ ನಂತರ ಚಾಲಕನನ್ನು ಹುಡುಕಿ ಕೋವಿಡ್-19 ಆಸ್ಪತ್ರೆಗೆ ಜಿಲ್ಲಾಡಳಿತ ದಾಖಲಿಸಿದೆ. ಚಾಲಕನ ಓಡಾಟದಿಂದ ಈಗ ಆತಂಕ ಮೂಡಿದೆ. ಸೋಂಕಿತನ ಜೊತೆ ಪ್ರಾಥಮಿಕ ಮತ್ತು ದ್ವಿತೀಯ ಸಂಪರ್ಕ ಹೊಂದಿದ್ದವರನ್ನು ಜಿಲ್ಲಾಡಳಿತ ಪತ್ತೆ ಹಚ್ಚುತ್ತಿದೆ.
