ಆರ್ಟಿಕಲ್ 370​ ರದ್ದು: ಅಮೀತ್​ ಶಾ, ಮೋದಿಗೆ ಮಾಜಿ ಸಚಿವ ಎ. ಮಂಜು ಅಭಿನಂದನೆ

ರಾಜ್ಯಸಭೆಯಲ್ಲಿ ಇಂದು ಜಮ್ಮು-ಕಾಶ್ಮೀರದ ವಿಶೇಷ ಸ್ಥಾನಮಾನ ನೀಡುವ ಆರ್ಟಿಕಲ್​ 370 ರದ್ದು ಹಿನ್ನೆಲೆ ಪ್ರಧಾನಿ ಹಾಗೂ ಅಮಿತ್​ ಶಾಗೆ ಮಾಜಿ ಸಚಿವ ಎ.ಮಂಜು ಧನ್ಯವಾದ ತಿಳಿಸಿದ್ದಾರೆ.

ಹಾಸನ:ಜಮ್ಮು-ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದು ಹಿನ್ನೆಲೆ ಹಾಸನದಲ್ಲಿ ಮಾಜಿ ಸಚಿವ ಎ. ಮಂಜು ಇಂದು ದೇಶಕ್ಕೆ ಐತಿಹಾಸಿಕ ದಿನ ಎಂದು ಗೃಹ ಸಚಿವ ಅಮಿತ್ ಶಾ ಹಾಗೂ ಪ್ರಧಾನಿ ಮೋದಿಗೆ ಧನ್ಯವಾದ ತಿಳಿಸಿದ್ರು.

ಈ ಹಿಂದೆ ಅಂಬೇಡ್ಕರ್ ರವರು ಒಂದೇ ದೇಶ, ಒಂದೇ ಕಾನೂನು ಹಾಗೂ ಒಂದೇ ಸಂವಿಧಾನ ಅನ್ನೋದನ್ನ ಮಾಡಿದ್ದರು. ಅದನ್ನು ಪ್ರಧಾನಿ ನರೇಂದ್ರ ಮೋದಿಯವರು ಪಾಲಿಸಿದ್ದಾರೆ ಎಂದು ಮಂಜು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇಂದು ಆರ್ಟಿಕಲ್​ 370 ಹಾಗೂ ಕಲಂ 35(ಎ) ಅಡಿಯಲ್ಲಿ ಜಮ್ಮು-ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದು ಮಾಡಿರುವುದಕ್ಕೆ ಮಾಜಿ ಸಚಿವ ಹಾಗೂ ಬಿಜೆಪಿ ಮುಖಂಡ ಎ. ಮಂಜು ಸಂತಸ ವ್ಯಕ್ತಪಡಿಸಿದ್ದಾರೆ.