ಧಾರವಾಡದಲ್ಲಿ ಮರ ಕೆತ್ತುತ್ತಿದ್ದ ವ್ಯಕ್ತಿಯ ವಿಡಿಯೋ ವೈರಲ್: ಪ್ರಕರಣ ದಾಖಲು

ಧಾರವಾಡದಲ್ಲಿ ಸುತ್ತಿಗೆ ಮತ್ತು ಕಬ್ಬಿಣದ ತುಂಡಿನಿಂದ ವ್ಯಕ್ತಿಯೋರ್ವ ತನ್ನ ಮನೆ ಮುಂದೆ ಇರುವ ಮರವನ್ನು ಕೆತ್ತುತ್ತಿರುವ ವಿಡಿಯೋ ವೈರಲ್ ಆಗಿದೆ. ಈತನ ವಿರುದ್ಧ ಇದೀಗ ಅರಣ್ಯ ಇಲಾಖೆ ಪ್ರಕರಣ ದಾಖಲು ಮಾಡಿಕೊಂಡಿದೆ.

ಧಾರವಾಡ: ವ್ಯಕ್ತಿಯೋರ್ವ ತನ್ನ ಮನೆ ಮುಂದೆ ಇರುವ ಮರವೊಂದನ್ನು ಕೆತ್ತುತ್ತಿರುವ ವಿಡಿಯೋ ವೈರಲ್ ಆಗಿದೆ. ಈ ದೃಶ್ಯಗಳನ್ನು ಸ್ಥಳೀಯರು ತಮ್ಮ ಮೊಬೈಲ್​​ನಲ್ಲಿ ಸೆರೆಹಿಡಿದ್ದು ವ್ಯಕ್ತಿಯ ವಿಡಿಯೋ ಈಗ ವೈರಲ್ ಆಗಿದೆ.

ಗಾಂಧಿ ನಗರದ 4ನೇ ಕ್ರಾಸ್‌ನಲ್ಲಿರುವ ಪೆಲ್ಟೊ ಫಾರಮ್​ ಜಾತಿಯ ಮರವನ್ನು ರಮೇಶ ಹುಟಗಿ ಎಂಬಾತ ಕೆತ್ತುತ್ತಿದ್ದು ದೃಶ್ಯವನ್ನು ಸ್ಥಳೀಯರು ತಮ್ಮ ಮೊಬೈಲ್​​ನಲ್ಲಿ ಸೆರೆ ಹಿಡಿದಿದ್ದಾರೆ‌‌. ಮರ ಕೆತ್ತುವ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ವ್ಯಕ್ತಿಯ ಮೇಲೆ ಅರಣ್ಯ ಇಲಾಖೆಯಿಂದ ಪ್ರಕರಣ ದಾಖಲಾಗಿದೆ. ಅಂಟು ಬರುತ್ತೆ ಎಂದುಕೊಂಡು ನಿತ್ಯ ಮರ ಕೆತ್ತುವ ಕೆಲಸ ಮಾಡುತ್ತಿದ್ದನಂತೆ.