ಹುಬ್ಬಳ್ಳಿ: ಆಕಸ್ಮಿಕವಾಗಿ ಬೆಂಕಿ ತಗುಲಿದ ಪರಿಣಾಮ ಕಾರುಗಳು ಸೇರಿದಂತೆ ಹಲವು ವಸ್ತುಗಳು ಸುಟ್ಟು ಕರಕಲಾಗಿರುವ ಘಟನೆ ಹಳೇ ಹುಬ್ಬಳ್ಳಿಯ ಗುಡಿಹಾಳ ರಸ್ತೆಯಲ್ಲಿರುವ ಸ್ಕ್ರ್ಯಾಪ್ ಅಡ್ಡೆಯಲ್ಲಿ ನಡೆದಿದೆ.
ಸ್ಕ್ರ್ಯಾಪ್ ಅಡ್ಡೆಗೆ ತಗುಲಿದ ಬೆಂಕಿ
ಗುಡಿಹಾಳ ರಸ್ತೆಯ ಆರ್.ಕೆ ಹಾಲ್ ಬಳಿಯಿರುವ ಸ್ಕ್ರ್ಯಾಪ್ ಅಡ್ಡೆಗೆ ಬೆಂಕಿ ತಗುಲಿದ್ದು, ಖರೀದಿ ಮಾಡಿ ತಂದಿದ್ದ ಹಲವು ವಾಹನಗಳಿಗೆ ಬೆಂಕಿ ತಾಗಿದೆ. ಇದರಿಂದ ಜನರು ಆತಂಕಕ್ಕೆ ಒಳಗಾಗಿದ್ದಾರೆ.
ಓದಿ:ಹಾಸನದಲ್ಲಿ ಜಮೀನು ವಿವಾದ: ಠಾಣೆಗೆ ಹೋಗದ ನಟ ಯಶ್ ಪೋಷಕರು
ಸ್ಥಳಕ್ಕೆ ದೌಡಾಯಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಲು ಹರಸಾಹಸ ಪಡುತ್ತಿದ್ದಾರೆ. ಅಡ್ಡೆಯಲ್ಲಿರುವ ಕೆಲವು ಆಯಿಲ್ ಮಿಶ್ರಿತ ವಸ್ತುಗಳಿಗೆ ಹೆಚ್ಚು ಬೆಂಕಿ ತಗುಲಿದ್ದರಿಂದ, ಬೆಂಕಿಯ ಕೆನ್ನಾಲಿಗೆ ಹೆಚ್ಚಿದೆ.
