ಮುರಕಟ್ಟಿ - ಮಲ್ಲೂರಿನಲ್ಲಿ ಅಣ್ಣಾ - ತಂಗಿ ಗೆಲುವು; ಸ್ವಾರಸ್ಯಕರ ಘಟನೆಗೆ ಸಾಕ್ಷಿಯಾದ ಫಲಿತಾಂಶ

ಈ ಬಾರಿಯ ಗ್ರಾಮ ಪಂಚಾಯಿತಿ ಚುನಾವಣಾ ಫಲಿತಾಂಶ ಹಲವು ಸ್ವಾರಸ್ಯಕರ ಘಟನೆಗಳಿಗೆ ಸಾಕ್ಷಿಯಾಗಿದೆ. ಧಾರವಾಡ ತಾಲೂಕು ಕ್ಷೇತ್ರದಲ್ಲಿಯೂ ವಿಶೇಷತೆ ಎಂಬಂತೆ ಅಣ್ಣಾ - ತಂಗಿ ಇಬ್ಬರೂ ಚುನಾಯಿತರಾಗುವ ಮೂಲಕ ಗಮನ ಸೆಳೆದಿದ್ದಾರೆ.

ಧಾರವಾಡ: ತಾಲೂಕಿನ ದೇವರಹುಬ್ಬಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮುರಕಟ್ಟಿ - ಮಲ್ಲೂರಿನ 3ನೇ ವಾರ್ಡ್​​ನಲ್ಲಿ ಅಣ್ಣಾ-ತಂಗಿ ಇಬ್ಬರೂ ಚುನಾಯಿತರಾಗಿದ್ದಾರೆ. ಅಣ್ಣ-ತಂಗಿಯ ಗೆಲವು ಗಮನ ಸೆಳೆದಿದೆ.

ಅಣ್ಣಾ ನಾಗರಾಜ ಮಹಾದೇವಪ್ಪ ಘಾಟಿನ್​​ ಸಾಮಾನ್ಯ ಕ್ಷೇತ್ರದಲ್ಲಿ 363 ಮತಗಳನ್ನು ಪಡೆದ ಆಯ್ಕೆಯಾದರೆ, ಅವರ ತಂಗಿ ಗೀತಾ ನಿಂಗಪ್ಪ ಆಯಟ್ಟಿ 389 ಮತಗಳನ್ನು ಪಡೆದು ಹಿಂದುಳಿದ ವರ್ಗ 'ಅ' ಮಹಿಳಾ ಮೀಸಲು ಕ್ಷೇತ್ರದಲ್ಲಿ ಆಯ್ಕೆಯಾಗಿದ್ದಾರೆ.

ಇದನ್ನೂ ಓದಿ : ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ ಪ್ರಣವಾನಂದ ಸ್ವಾಮೀಜಿ

ನಿಗದಿ ಜಿಲ್ಲಾ ಪಂಚಾಯಿತಿ ಕ್ಷೇತ್ರದ ಸದಸ್ಯರಾಗಿರುವ ನಿಂಗಪ್ಪ ಘಾಟಿನ್ ಇವರ ಹಿರಿಯ ಅಣ್ಣನಾಗಿರುವುದು ವಿಶೇಷವಾಗಿದೆ.