ಬೆಣ್ಣೆನಗರಿಯಲ್ಲಿ ಶಿವರಾತ್ರಿ ಸಡಗರ: ಲಿಂಗೇಶ್ವರ ದೇಗುಲದಲ್ಲಿ ವಿಶೇಷ ಪೂಜೆ

ರಾಜ್ಯಾದ್ಯಂತ ಮಹಾ ಶಿವರಾತ್ರಿಯನ್ನು ಸಂಭ್ರಮ ಸಡಗರದಿಂದ ಆಚರಣೆ ಮಾಡಲಾಗಿದ್ದು, ಬೆಣ್ಣೆನಗರಿಯಲ್ಲೂ ಶಿವನ ಆರಾಧನೆ ಕಳೆಗಟ್ಟಿತ್ತು.

ದಾವಣಗೆರೆ : ದೇಶಾದ್ಯಂತ ಮಹಾಶಿವರಾತ್ರಿಯನ್ನು ಸಂಭ್ರಮದಿಂದ ಆಚರಿಸಲಾಗುತ್ತಿದ್ದು, ಬೆಣ್ಣೆನಗರಿಯಲ್ಲೂ ಶಿವನ ಆರಾಧನೆಯು ಶ್ರದ್ಧೆ- ಭಕ್ತಿಯಿಂದ ಜರುಗಿತು.

ಮಹಾ ಶಿವರಾತ್ರಿ ನಿಮಿತ್ತ ನಗರದ ಲಿಂಗೇಶ್ವರ ದೇವಸ್ಥಾನದಲ್ಲಿ ವಿಶೇಷ ಪೂಜೆ, ಶಿವ ಲಿಂಗಕ್ಕೆ ಹಾಲು, ತುಪ್ಪದ ಅಭಿಷೇಕ ಸೇರಿದಂತೆ ನಾನಾ ಪೂಜಾ ವಿಧಿವಿಧಾನಗಳು ನೆರವೇರಿದವು.‌ ಶಿವ ದೇಗುಲಗಳಲ್ಲಿ ಹಬ್ಬದ ವಾತಾವರಣ ಕಳೆಕಟ್ಟಿತ್ತು. ಆವರಗೊಳ್ಳದ ಆದಿ ದೈವ ಶ್ರೀಕನ್ನೇಶ್ವರ ಮಹಾಸ್ವಾಮಿಗೆ ವಿಶೇಷ ಪೂಜೆಯನ್ನು ಪುರೋಹಿತ ಶಶಿಧರಯ್ಯ ಮತ್ತು ವಿನಾಯಕ ಸ್ವಾಮಿ ನೆರವೇರಿಸಿದರು.