ಬೈಕ್​ಗೆ ಡಿಕ್ಕಿ ಹೊಡೆದ ಆಪೆ ಆಟೋ: ಮಾವ, ಅಳಿಯ ದುರ್ಮರಣ..!

ದಾವಣಗೆರೆ ತಾಲೂಕಿನ ಹೆಬ್ಬಾಳು ಗ್ರೀನ್ ಆಗ್ರೋ ಕಾರ್ಖಾನೆ ಬಳಿ ಆಪೆ ಆಟೋ ಬೈಕ್​​ಗೆ ಡಿಕ್ಕಿ ಹೊಡೆದ ಪರಿಣಾಮ ಬೈಕ್​​ನಲ್ಲಿದ್ದ ಮಾವ, ಅಳಿಯ ಮೃತಪಟ್ಟಿದ್ದಾರೆ.

ದಾವಣಗೆರೆ: ಆಪೆ ಆಟೋ ಡಿಕ್ಕಿ ಹೊಡೆದ ಪರಿಣಾಮ ಬೈಕ್​ನಲ್ಲಿದ್ದ ಮಾವ, ಅಳಿಯ ಮೃತಪಟ್ಟ ದಾರುಣ ಘಟನೆ ತಾಲೂಕಿನ ಹೆಬ್ಬಾಳು ಗ್ರೀನ್ ಆಗ್ರೋ ಕಾರ್ಖಾನೆ ಬಳಿ ಜರುಗಿದೆ.

ನಲ್ಕುಂದ ಗ್ರಾಮದ 50 ವರ್ಷದ ಈಶ್ವರಪ್ಪ ಹಾಗೂ ಮಹಾಬಲೇಶ್ ಮೃತರು. ಕಾಟಿಹಳ್ಳಿ ಗ್ರಾಮಕ್ಕೆ ಮದುವೆಗೆಂದು ಮಹಾಬಲೇಶ್ ಅವರು ಈಶ್ವರಪ್ಪ ಅವರನ್ನು ಬೈಕ್​ನಲ್ಲಿ ಕರೆದುಕೊಂಡು ಹೋಗುತ್ತಿದ್ದರು. ಈ ವೇಳೆ ರಾಷ್ಟ್ರೀಯ ಹೆದ್ದಾರಿ 4 ರಲ್ಲಿ ಬರುವ ಹೆಬ್ಬಾಳು ಸಮೀಪ ಆಪೆ ಆಟೋ ಬೈಕ್​​ಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಮಾವ, ಅಳಿಯ ಸಾವನ್ನಪ್ಪಿದ್ದಾರೆ.

ಇನ್ನು ಆಪೆ ಆಟೋ ಚಾಲಕ ರಾಣೆಬೆನ್ನೂರಿನ ಖಾಸೀಂ ಸಾಬ್ ವಿರುದ್ಧ ನಲ್ಕುಂದ ವಿಜಯ್ ಕುಮಾರ್ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.