ಮಂಗಳೂರು: ಮಂಗಳೂರು ಮಹಾನಗರ ಪಾಲಿಕೆಯ ಚುನಾವಣೆಯ ಒಟ್ಟು 60 ಸ್ಥಾನಗಳಲ್ಲಿ 44 ಸ್ಥಾನ ಪಡೆಯುವ ಮೂಲಕ ಬಿಜೆಪಿ ಅಧಿಕಾರದ ಗದ್ದುಗೆಗೇರಿದೆ. ಚುನಾವಣಾ ಫಲಿತಾಂಶ ಕುತೂಹಲದ ಬಳಿಕ ಪಾಲಿಕೆಗೆ ಬಿಜೆಪಿಯಿಂದ ಮೊದಲ ಮೇಯರ್ ಯಾರಾಗಲಿದ್ದಾರೆ ಎಂಬುದೀಗ ಕುತೂಹಲ ಕೆರಳಿಸಿದೆ.
ಈಗಾಗಲೇ ನಿಗದಿಯಾಗಿರುವ ಮೀಸಲಾತಿಯಂತೆ ಹಿಂದುಳಿದ A ಪ್ರವರ್ಗದವರು ಮೇಯರ್ ಹುದ್ದೆ ಅಲಂಕರಿಸಲಿದ್ದಾರೆ. ಅದರಂತೆ ಬಿಜೆಪಿಯಿಂದ ಆಯ್ಕೆಯಾಗಿರುವ 44 ಮಂದಿ ಕಾರ್ಪೋರೇಟರ್ಗಳಲ್ಲಿ 10 ಮಂದಿ ಹಿಂದುಳಿದ ವರ್ಗ A ಗೆ ಸೇರಿದವರು. ಇದರಲ್ಲಿ ಯಾರೂ ಹಿರಿಯರಿಲ್ಲ ಎನ್ನುವುದೇ ವಿಶೇಷ.
ಹಿಂದುಳಿದ ವರ್ಗ ಎ ಮೀಸಲಾತಿಯಂತೆ ಶ್ವೇತಾ .ಎ. ಕಾಟಿಪಳ್ಳ, ಲೋಕೇಶ್ ಬೊಳ್ಳಾಜೆ, ಕಿರಣ್ ಕುಮಾರ್, ರಂಜಿನಿ. ಎಲ್ ಕೋಟ್ಯಾನ್, ಗಾಯತ್ರಿ ಎ, ವನಿತಾ ಪ್ರಸಾದ್, ಗಣೇಶ್ ಕುಲಾಲ್, ನಯನ ಕೋಟ್ಯಾನ್, ಸಂಗೀತ ಆರ್ ನಾಯ್ಕ್, ಚಂದ್ರಾವತಿ ವಿಶ್ವನಾಥ್ ಮೇಯರ್ ಸ್ಥಾನಕ್ಕೆ ಸ್ಪರ್ಧಿಸಲು ಅರ್ಹರಾಗಿದ್ದಾರೆ. ಇವರೆಲ್ಲರೂ ಮೊದಲ ಬಾರಿಗೆ ಪಾಲಿಕೆ ಪ್ರವೇಶಿಸುತ್ತಿರುವ ಕಾರ್ಪೋರೇಟರ್ಗಳು.
ಈಗಾಗಲೇ ಮೀಸಲಾತಿ ನಿಗದಿಯಾಗಿರುವುದರಿಂದ ಇವರಲ್ಲಿ ಯಾರು ಮೇಯರ್ ಆಗುವ ಅದೃಷ್ಟ ಪಡೆಯುತ್ತಾರೆ ಎಂಬುದು ಇದೀಗ ಕುತೂಹಲಕ್ಕೆ ಕಾರಣವಾಗಿದೆ.
Conclusion:
