ಟೆಸ್ಟ್‌ ಡ್ರೈವ್‌ಗೆಂದು ಸ್ಕೂಟರ್‌ ತೆಗೆದುಕೊಂಡು ಪರಾರಿ; ಮಂಗಳೂರಲ್ಲಿ ಕೇಸು ದಾಖಲು

ಅಪರಿಚಿತ ವ್ಯಕ್ತಿಯೋರ್ವ ಜುಪಿಟರ್ ಸ್ಕೂಟರ್ ಅ​​ನ್ನು ಟೆಸ್ಟ್ ಡ್ರೈವ್​ಗೆಂದು ತೆಗೆದುಕೊಂಡು ಹೋಗಿ ಪರಾರಿಯಾಗಿದ್ದಾನೆ. ಈ ಬಗ್ಗೆ ಕಂಕನಾಡಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಮಂಗಳೂರು: ಟೆಸ್ಟ್ ಡ್ರೈವ್​ಗೆಂದು ಅಪರಿಚಿತ ವ್ಯಕ್ತಿಯೊಬ್ಬ ಸ್ಕೂಟರ್ ಕೊಂಡೊಯ್ದು ಪರಾರಿಯಾದ ಘಟನೆ ನಡೆದಿದೆ.

ನಗರದ ಗೋರಿಗುಡ್ಡೆಯಲ್ಲಿರುವ ಹಳೆಯ ದ್ವಿಚಕ್ರ ವಾಹನಗಳ ಶೋರೂಂಗೆ ಡಿಸೆಂಬರ್ 14ರಂದು ಸಂಜೆ 6.15ಕ್ಕೆ ಅಪರಿಚಿತ ವ್ಯಕ್ತಿ ಜುಪಿಟರ್ ಸ್ಕೂಟರ್ ಪರಿಶೀಲಿಸಿ, ಟೆಸ್ಟ್ ಡ್ರೈವ್ ಮಾಡಬೇಕೆಂದು ಕೇಳಿದ್ದಾನೆ. ಈ ವೇಳೆ ಶೋರೂಂನ ವ್ಯಕ್ತಿ ಡ್ರೈವಿಂಗ್ ಲೈಸೆನ್ಸ್ ಪಡೆದು KA 70E0860 ಸಂಖ್ಯೆಯ ಸ್ಕೂಟರ್​ ನೀಡಿದ್ದಾನೆ. ಆದರೆ ಟೆಸ್ಟ್ ಡ್ರೈವ್​ಗೆ ಹೋದವನು ಮತ್ತೆ ತಿರುಗಿ ಬರಲೇ ಇಲ್ಲ.

ಓದಿ: ಬೆಂಗಳೂರಲ್ಲಿ ಸಿಐಡಿ ಡಿಎಸ್​ಪಿ ನೇಣಿಗೆ ಶರಣು

ಈ ಬಗ್ಗೆ ಕಂಕನಾಡಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.