ಬಂಟ್ವಾಳ (ಮಂಗಳೂರು): ಬಂಟ್ವಾಳ ತಾಲೂಕಿನ ಸಜಿಪ ಮುನ್ನೂರು ಗ್ರಾಮದ ಕಂದೂರು ಎಂಬಲ್ಲಿ ಗಾಂಜಾ ಸಾಗಾಟ ಮಾಡುತ್ತಿದ್ದ ವ್ಯಕ್ತಿಯೋರ್ವನನ್ನು ಬಂಟ್ವಾಳ ನಗರ ಪೊಲೀಸರು ಬಂಧಿಸಿದ್ದಾರೆ. ಮುಡಿಪುನಿಂದ ಮೆಲ್ಕಾರ್ ಕಡೆಗೆ ಬೈಕ್ನಲ್ಲಿ ಮಾದಕ ವಸ್ತು ಸಾಗಾಟ ಮಾಡುವ ವೇಳೆ ತಪಾಸಣೆ ಕೈಗೊಂಡ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ.
ಬಂಧಿತ ಇಲಿಯಾಸ್ ಎಂಬಾತನಿಂದ 30 ಸಾವಿರ ರೂಪಾಯಿ ಮೌಲ್ಯದ 1 ಕೆ.ಜಿ 430 ಗ್ರಾಂನ 10 ಪ್ಯಾಕ್ ಒಸಿಬಿ ಸ್ಲಿಮ್ ಪ್ರೀಮಿಯಮ್ ಗಾಂಜಾ ಸ್ಟ್ರಿಮ್ ಅನ್ನು ಜಪ್ತಿ ಮಾಡಿದ್ದಾರೆ. ಒಸಿಬಿ ಸ್ಲಿಮ್ ಪ್ರೀಮಿಯಮ್ ಅನ್ನು ಗಾಂಜಾ ಸೇವನೆಗೆ ಬಳಸಲಾಗುತ್ತದೆ ಎಂದು ತಿಳಿದು ಬಂದಿದೆ. ಈ ಕಾರ್ಯಾಚರಣೆಯಲ್ಲಿ ಭಾಗಿಯಾದ ಸಿಬ್ಬಂದಿಗೆ ಇಲಾಖೆ ಬಹುಮಾನ ಘೋಷಿಸಿದೆ.
