ಮಂಗಳೂರು: ಮೀನುಗಾರಿಕೆಗೆ ಸಮುದ್ರಕ್ಕೆ ತೆರಳುವ ಪ್ರತಿಯೊಂದು ಬೋಟ್ಗೂ ಕಡ್ಡಾಯವಾಗಿ ಎಐಎಸ್ ಟ್ರಾನ್ಸ್ ಫಂಡರ್ ಯಂತ್ರವನ್ನು ಅಳವಡಿಸಲು ಮೀನುಗಾರಿಕಾ ಇಲಾಖೆ ಕಡ್ಡಾಯಗೊಳಿಸಿದೆ ಎಂದು ಮೀನುಗಾರಿಕೆ ಇಲಾಖೆಯ ಉಪನಿರ್ದೇಶಕ ತಿಪ್ಪೇಸ್ವಾಮಿ ಹೇಳಿದರು.
ಮೀನಿಗಾರಿಕೆಗೆ ತೆರಳಿದಾಗ ಬೋಟ್ಗಳು ಸಮುದ್ರದಲ್ಲಿ ಕೆಲವು ಬಾರಿ ಅಪಾಯಕ್ಕೆ ಸಿಲುಕಿಕೊಳ್ಳುತ್ತದೆ. ಮೀನುಗಾರರ ಪ್ರಾಣ ಹಾನಿ ಜೊತೆಗೆ ಬೋಟ್ಗಳು ಸಮುದ್ರದ ಪಾಲಾಗುತ್ತವೆ. ಇಂತಹ ಅಪಾಯಗಳನ್ನು ತಪ್ಪಿಸುವ ನಿಟ್ಟಿನಲ್ಲಿ ಮೀನುಗಾರಿಕೆ ಇಲಾಖೆ ಈ ವರ್ಷದಿಂದ ಎಐಎಸ್ ಟ್ರಾನ್ಸ್ ಫಂಡರ್ ಯಂತ್ರವನ್ನು ಬೋಟ್ಗಳಲ್ಲಿ ಅಳವಡಿಸುವುದು ಕಡ್ಡಾಯಗೊಳಿಸಿದೆ ಎಂದರು.
ಕೆಲವು ಭಾರಿ ತಾಂತ್ರಿಕ ಸಮಸ್ಯೆ ಎದುರಾಗುತ್ತದೆ. ಇಂತಹ ಸಮಯದಲ್ಲಿ ಏನು ಮಾಡುವುದು ಎಂದು ಮೀನುಗಾರರಿಗೆ ತಿಳಿಯದಂತಾಗುತ್ತದೆ. ಬೋಟ್ಗಳು ಎಲ್ಲಿ ಹೋಗಿವೆ ಎಂಬ ಮಾಹಿತಿಯು ತಿಳಿಯುವುದಿಲ್ಲ. ಈ ಟ್ರಾನ್ಸ್ ಫಂಡರ್ ಅಳವಡಿಕೆಯಿಂದ ಬೋಟ್ಗಳು ಪತ್ತೆ ಸಾಧ್ಯ ಎಂದರು.
ಇದು ಬೋಟ್ ಇರುವ ನಿಖರ ಮಾಹಿತಿ ನೀಡುತ್ತದೆ. ಕೋಸ್ಟಲ್ ಗಾರ್ಡ್ನವರ ಕಂಟ್ರೋಲ್‌ ರೂಂಗೆ ಎಲ್ಲ ಮಾಹಿತಿ ಲಭ್ಯವಾಗುತ್ತದೆ. ಮಲ್ಪೆಯ ಸುವರ್ಣ ತ್ರಿಭುಜ ಬೋಟ್ ನಾಪತ್ತೆಯಾದ ಬಳಿಕ ಪತ್ತೆ ಹಚ್ಚಲು ಸಾಕಷ್ಟು ಶ್ರಮ ಪಡಬೇಕಾಯಿತು. ಪ್ರತಿ ಬೋಟ್ಗಳಿಗೆ ಡೀಸೆಲ್ ಪಾಸ್ಬುಕ್ನ್ನು ಮೀನುಗಾರಿಕೆ ಇಲಾಖೆ ನೀಡಬೇಕಾಗುತ್ತೆ. ಎಐಎಸ್ ಟ್ರಾನ್ಸ್ ಫಂಡರ್ ಯಂತ್ರ ಅಳವಡಿಸಿ ಬಿಲ್ ತೋರಿಸಿದವರಿಗೆ ಮಾತ್ರ ಪಾಸ್ಬುಕ್ ನೀಡುತ್ತಿದ್ದೇವೆ. ಹಾಗಾಗಿ ಹೆಚ್ಚಿನ ಬೋಟ್ಗಳು ಈ ಯಂತ್ರವನ್ನು ಅಳವಡಿಸಿವೆ ಎಂದು ಇಲಾಖೆ ತಿಳಿಸಿದೆ.
