ಕೆಸಿಎಫ್ ಆಯೋಜಕತ್ವದಲ್ಲಿ ಒಮನ್​ನಿಂದ ಮಂಗಳೂರಿಗೆ ಬಂದ 177 ಮಂದಿ

ಅನಾರೋಗ್ಯಕ್ಕೊಳಗಾದವರು, ಗರ್ಭಿಣಿಯರು, ಮಕ್ಕಳು, ವೀಸಾ ಕಾಲಾವಧಿ ಮುಗಿದವರು, ಉದ್ಯೋಗ ಕಳೆದುಕೊಂಡವರು ಸುರಕ್ಷಿತವಾಗಿ ತಾಯ್ನಾಡಿಗೆ ಮರಳಿದ್ದಾರೆ..

ಮಂಗಳೂರು : ಅನಿವಾಸಿ ಕನ್ನಡಿಗರ ಸಂಘಟನೆ ಕರ್ನಾಟಕ ಕಲ್ಚರಲ್ ಫೌಂಡೇಶನ್ (ಕೆಸಿಎಫ್) ಆಯೋಜಕತ್ವದ ಇಂಡಿಗೊ ವಿಮಾನ ಒಮಾನ್​ನಿಂದ 177 ಪ್ರಯಾಣಿಕರನ್ನು ನಗರಕ್ಕೆ ಹೊತ್ತು ತಂದಿದೆ.

ಈ ವಿಮಾನದಲ್ಲಿ ಅನಾರೋಗ್ಯಕ್ಕೊಳಗಾದವರು, ಗರ್ಭಿಣಿಯರು, ಮಕ್ಕಳು, ವೀಸಾ ಕಾಲಾವಧಿ ಮುಗಿದವರು, ಉದ್ಯೋಗ ಕಳೆದುಕೊಂಡವರು ಸುರಕ್ಷಿತವಾಗಿ ತಾಯ್ನಾಡಿಗೆ ಮರಳಿದ್ದಾರೆ.

ಮುಂಜಾಗ್ರತಾ ಹಿನ್ನೆಲೆ ಕೆಸಿಎಫ್ ತಂಡ ವಿಮಾನದಲ್ಲಿ ಆಗಮಿಸಿರುವ ಎಲ್ಲಾ ಪ್ರಯಾಣಿಕರಿಗೆ ಪಿಪಿಇ ಕಿಟ್ ಹಾಗೂ ಆಹಾರದ ಕಿಟ್ ಒದಗಿಸಿದೆ. ಎಲ್ಲಾ ಪ್ರಯಾಣಿಕರನ್ನು ಏಳು ದಿನಗಳ ಸಾಂಸ್ಥಿಕ ಕ್ವಾರಂಟೈನ್​ಗೆ ಒಳಪಡಿಸಲಾಗಿದೆ.