ಫಾಸ್ಟ್​ ಟ್ಯಾಗ್ ಜಾರಿ:​ ಕೇಂದ್ರ ಸರ್ಕಾರದ ಆದೇಶ ಧಿಕ್ಕರಿಸಿದ್ರಾ ಗುಯಿಲಾಳು ಟೋಲ್ ಪ್ಲಾಜಾ ಸಿಬ್ಬಂದಿ?

ಹಿರಿಯೂರು ತಾಲೂಕಿನ ಗುಯಿಲಾಳು ಟೋಲ್ ಪ್ಲಾಜಾದಲ್ಲಿ ಸಿಬ್ಬಂದಿ ಪ್ರಯಾಣಿಕರಿಂದ ಹಣ ಪಡೆದುಕೊಂಡು ವಾಹನ ಬಿಡುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಟೋಲ್ ಮುಂಭಾಗದಲ್ಲಿ ಫಾಸ್ಟ್​​ ಟ್ಯಾಗ್ ನೋಂದಣಿ ಮಾಡಿಸಲು ಕೆಲವು ಚಾಲಕರು ಈಗಾಗಲೇ ಮುಗಿಬಿದ್ದಿದ್ದರು. ಆದರೆ ಆನ್​ಲೈನ್ ನೋಂದಣಿಯಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡ ಹಿನ್ನೆಲೆ ಫಾಸ್ಟ್​ ಟ್ಯಾಗ್ ನೋಂದಣಿ ಆಗುತ್ತಿಲ್ಲ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ.

ಚಿತ್ರದುರ್ಗ: ಕೇಂದ್ರ ಸರ್ಕಾರದ ಆದೇಶ ಧಿಕ್ಕರಿಸಿ ಟೋಲ್ ಸಿಬ್ಬಂದಿ ವಾಹನ ಸವಾರರಿಂದ ಹಣ ಪಡೆದುಕೊಂಡು ವಾಹನಗಳನ್ನ ಹೊರ ಬಿಡುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.

ಕೇಂದ್ರ ಸರ್ಕಾರ ದೇಶಾದ್ಯಂತ ಟೋಲ್​ನಲ್ಲಿ ನಗದು ರಹಿತ ವ್ಯವಹಾರ ನಡೆಸಲು ವಾಹನಗಳಿಗೆ ಫಾಸ್ಟ್​ ಟ್ಯಾಗ್ ಕಡ್ಡಾಯಗೊಳಿಸಿದೆ. ಇತ್ತ ಹಿರಿಯೂರು ತಾಲೂಕಿನ ಗುಯಿಲಾಳು ಟೋಲ್ ಪ್ಲಾಜಾದಲ್ಲಿ ಸಿಬ್ಬಂದಿ ಪ್ರಯಾಣಿಕರಿಂದ ಹಣ ಪಡೆದುಕೊಂಡು ವಾಹನ ಬಿಡುತ್ತಿದ್ದಾರೆ. ಗುಯಿಲಾಳು ಟೋಲ್ ಪ್ಲಾಜಾದಲ್ಲಿ ಒಟ್ಟು12 ಲೈನ್‌ಗಳಿದ್ದು, ಈ ಪೈಕಿ 10 ನಗದು ಕೌಂಟರ್‌ಗಳು ಹಾಗೂ ಇನ್ನುಳಿದ 2 ಕೌಂಟರ್‌ಗಳು ಪಿಐಪಿ ಲೈನ್‌ಗಳಿದ್ದು, ಕೇಂದ್ರ ಸರ್ಕಾರ ಬರುವ ವಾಹನಗಳಿಗೆ ಫಾಸ್ಟ್​ ಟ್ಯಾಗ್ ಕಡ್ಡಾಯಗೊಳಿಸಿದೆ. ಆದರೆ ಗುಯಿಲಾಳು ಟೋಲ್ ಪ್ಲಾಜಾದಲ್ಲಿ ಮಾತ್ರ 10 ಕೌಂಟರ್​ಗಳಲ್ಲಿ ಫಾಸ್ಟ್​ ಟ್ಯಾಗ್ ಇಲ್ಲದೇ ಬರುವ ವಾಹನಗಳಿಗೆ ಟೋಲ್ ಸಿಬ್ಬಂದಿ ಹಣ ಪಡೆದುಕೊಂಡು ವಾಹನಗಳನ್ನು ಬಿಡುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ.

ಇದನ್ನೂ ಓದಿ: ಮುಂಬೈ-ಪುಣೆ ಹೆದ್ದಾರಿಯಲ್ಲಿ ಭೀಕರ ಅಪಘಾತ: ಐವರ ಸಾವು

ಟೋಲ್ ಮುಂಭಾಗದಲ್ಲಿ ಫಾಸ್ಟ್​ ಟ್ಯಾಗ್ ನೋಂದಣಿ ಮಾಡಿಸಲು ಕೆಲವು ಚಾಲಕರು ಈಗಾಗಲೇ ಮುಗಿಬಿದ್ದಿದ್ದರು. ಆನ್​ಲೈನ್ ನೋಂದಣಿಯಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡ ಹಿನ್ನೆಲೆ ಫಾಸ್ಟ್​ ಟ್ಯಾಗ್ ನೋಂದಣಿ ಆಗುತ್ತಿಲ್ಲ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ. ಸರ್ಕಾರ ಏಕಾಏಕಿ ನಗದು ರಹಿತ ಆದೇಶ ಮಾಡಿರುವುದು ಸೂಕ್ತವಲ್ಲವೆಂದು ವಾಹನ ಸವಾರರು ಆಕ್ರೋಶ ಹೊರಹಾಕಿದ್ದಾರೆ.