ಮುಂಬೈನಿಂದ ಕಡೂರಿಗೆ ಮಹಿಳೆ ಬಂದಿರುವ ಶಂಕೆ; ಪ್ರಮುಖ ಪ್ರದೇಶಗಳು ಸೀಲ್​ಡೌನ್​

ಚಿಕ್ಕಮಗಳೂರು ಜಿಲ್ಲೆಗೆ ಮುಂಬೈನಿಂದ ಮಹಿಳೆ ಬಂದಿರುವ ಶಂಕೆ ಹಿನ್ನೆಲೆಯಲ್ಲಿ ಕಡೂರಿನಲ್ಲಿ ಆಕೆ ಓಡಾಡಿರುವ ಪ್ರದೇಶವನ್ನು ಸೀಲ್​ಡೌನ್​ ಮಾಡಲಾಗಿದೆ.

ಚಿಕ್ಕಮಗಳೂರು: ಮುಂಬೈನಿಂದ ಮಹಿಳೆ ಬಂದಿರುವ ಶಂಕೆ ಹಿನ್ನೆಲೆ, ಕಡೂರು ತಾಲೂಕಿನಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದೆ.

ಈ ಮಹಿಳೆ ಹಲವು ರಸ್ತೆಗಳಲ್ಲಿ ಓಡಾಡಿರುವ ಹಿನ್ನೆಲೆ ಮುನ್ನೆಚ್ಚರಿಕಾ ಕ್ರಮವಾಗಿ ಜೈನ ಮಂದಿರ, ಐಬಿ ರಸ್ತೆ ಸೀಲ್​​ಡೌನ್ ಮಾಡಲಾಗಿದೆ.

ಮಹಿಳೆಯನ್ನು ಕರೆತಂದು ಅಪರಿಚಿತರು ಬಿಟ್ಟು ಹೋಗಿರುವ ಶಂಕೆ ವ್ಯಕ್ತವಾಗುತ್ತಿದೆ. ಮಹಿಳೆ ನಿರಂತರವಾಗಿ ಕೆಮ್ಮುತ್ತಿದ್ದು ಜನರಲ್ಲಿ ಆತಂಕ ಮನೆ ಮಾಡಿದೆ.

ಸೀಲ್​ಡೌನ್​

ಮಹಿಳೆಯ ಗಂಟಲು ದ್ರವ, ರಕ್ತದ ಮಾದರಿ ಲ್ಯಾಬ್​​ಗೆ ರವಾನೆ ಮಾಡಲಾಗಿದ್ದು, ಮಧುವನ ಲೇಔಟ್​ನ ಕ್ವಾರಂಟೈನ್ ಕೇಂದ್ರದಲ್ಲಿ ಇಡಲಾಗಿದೆ.