ತೋಟಕ್ಕೆ ನುಗ್ಗಿದ ಕಾಡಾನೆ ಹಿಂಡು : ಅಪಾರ ಬೆಳೆ ಹಾನಿ

ಅತಿವೃಷ್ಟಿ, ಅಕಾಲಿಕ ಮಳೆ ಸೇರಿದಂತೆ ವಿವಿಧ ಸಮಸ್ಯೆಗಳಿಂದ ತತ್ತರಿಸಿರುವ ಮಲೆನಾಡಿನ ರೈತರ ಅಲ್ಪ ಸ್ವಲ್ಪ ಉಳಿದ ಬೆಳೆಯೂ ಕಾಡಾನೆ ದಾಳಿಗೆ ತುತ್ತಾಗಿದೆ.

ಚಿಕ್ಕಮಗಳೂರು : ಎನ್​.ಆರ್. ಪುರ ತಾಲೂಕಿನ ಆಡುವಳ್ಳಿ ಗ್ರಾಮ ಪಂಚಾಯತ್​ ವ್ಯಾಪ್ತಿಯ ಪಾಂಡ್ಯಪುರದಲ್ಲಿ ಅಡಿಕೆ, ಬಾಳೆ ತೋಟಗಳಿಗೆ ನುಗ್ಗಿದ ಕಾಡಾನೆಗಳು ಅಪಾರ ಹಾನಿಯುಂಟು ಮಾಡಿದೆ.

ಆಡುವಳ್ಳಿ ಗ್ರಾಮದ ಪಾಂಡ್ಯಪುರದಲ್ಲಿ ಮಹೇಶ, ಶ್ರೀನಿವಾಸ್, ರಮೇಶ್ ಎಂಬವರ ಜಮೀನಿಗೆ ಆರು‌ ಕಾಡಾನೆಗಳು ನುಗ್ಗಿದ್ದು ತೆಂಗು, ಅಡಿಕೆ ಗಿಡಗಳನ್ನು ನೆಲ ಸಮ ಮಾಡಿವೆ. ಆನೆ ದಾಳಿಯಿಂದ 50 ಅಡಿಕೆ ಮರ, 70 ಬಾಳೆ ಗಿಡಗಳಿಗೆ ಹಾನಿಯಾಗಿದೆ.

ಅತಿವೃಷ್ಟಿ, ಅಕಾಲಿಕ ಮಳೆ ಸೇರಿದಂತೆ ವಿವಿಧ ಸಮಸ್ಯೆಗಳಿಂದ ತತ್ತರಿಸಿರುವ ಮಲೆನಾಡಿನ ರೈತರ ಅಲ್ಪ ಸ್ವಲ್ಪ ಉಳಿದ ಬೆಳೆಯೂ ಕಾಡಾನೆ ದಾಳಿಗೆ ತುತ್ತಾಗಿರುವುದು ರೈತರನ್ನು ಕಂಗೆಡಿಸಿದೆ.