ಚಿಕ್ಕಮಗಳೂರು : ಲಾಕ್ಡೌನ್ನಿಂದ ಎಲ್ಲಾ ಕ್ಷೇತ್ರಗಳಿಗೂ ಸಾಕಷ್ಟು ಹೊಡೆತ ಬಿದ್ದಿದೆ. ಸಾರಿಗೆ ವ್ಯವಸ್ಥೆಯ ಮೇಲೆ ಅಡ್ಡ ಪರಿಣಾಮ ಬೀರಿದ್ದು, ಟ್ಯಾಕ್ಸಿ, ಆಟೋ, ಖಾಸಗಿ ಬಸ್ಗಳು ಕೋವಿಡ್ ನಷ್ಟದ ನೆಪ ಹೇಳಿ ಸಾರ್ವಜನಿಕರಿಂದ ದುಪ್ಪಟ್ಟು ದರ ಪೀಕುತ್ತಿವೆ. ಈ ಕುರಿತ ದೂರುಗಳು ದಿನೇದಿನೆ ಕೇಳಿ ಬರುತ್ತಿದ್ದರೂ ಅದರ ವಿರುದ್ಧ ಸರ್ಕಾರ ಕ್ರಮಕ್ಕೆ ಮುಂದಾಗ್ತಿಲ್ಲ.
ನಗರ ಪ್ರದೇಶದಲ್ಲಿ ಕೋವಿಡ್ ಭಯದಿಂದ ಸಾರ್ವಜನಿಕ ಸಾಮೂಹಿಕ ಸಾರಿಗೆ ಬಳಕೆಗೆ ಹಿಂದೇಟು ಹಾಕುತ್ತಿದ್ದಾರೆ. ಇದನ್ನೇ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಆಟೋ, ಟ್ಯಾಕ್ಸಿ ಮಾಲೀಕರು ದರ ಏರಿಸಿ ಪ್ರಯಾಣಿಕರಿಗೆ ಬಿಸಿ ಮುಟ್ಟಿಸಿದ್ದಾರೆ.
ಅಲ್ಲದೆ, ರೈತರು ಬೆಳೆದ ಬೆಳೆಗಳನ್ನು ಮಾರುಕಟ್ಟೆ ಸಾಗಿಸಲು ಬಳಸುವ ವಾಹನಗಳು ಸಹ ಬೆಲೆ ಏರಿಕೆ ಮಾಡಿವೆ. ಈ ಮೂಲಕ ರೈತರು ತೀವ್ರ ಸಂಕಷ್ಟಕ್ಕೆ ಒಳಗಾಗುವಂತೆ ಮಾಡಿದೆ.
ಈ ಕುರಿತು ಆಟೋ ಮಾಲೀಕರನ್ನು ಸಾರ್ವಜನಿಕರು ಪ್ರಶ್ನಿಸಿದರೆ, ಪೆಟ್ರೋಲ್, ಡೀಸೆಲ್ ದರ ಹೆಚ್ಚಾಗಿದೆ. ಪೊಲೀಸರು ದಂಡ, ತೆರಿಗೆ, ಇನ್ಶೂರೆನ್ಸ್ ಕಟ್ಟಬೇಕು ಎಂದು ಸಿದ್ಧ ಉತ್ತರ ನೀಡುತ್ತಾರೆ.
ಸೀಟ್ ಲೆಕ್ಕ ಹಾಕಲು ಬಿಡುತ್ತಿಲ್ಲ. ಆರ್ಟಿಒ ಅಧಿಕಾರಿಗಳ ಹಾವಳಿ ಹೆಚ್ಚಾಗಿದೆ. ವರ್ಷಕ್ಕೆ ₹8,500 ಸಾವಿರ ಇನ್ಶೂರೆನ್ಸ್ ಆಗಿದೆ. ಸ್ವಲ್ವ ಹೆಚ್ಚು ಹಣ ಕೇಳಿದ್ರೆ ಸಾರ್ವಜನಿಕರು ಕೊಡಲು ಹಿಂದೇಟು ಹಾಕುತ್ತಾರೆ.
ಈ ಹಿಂದೆ ಉತ್ತಮವಾಗಿ ಸಂಪಾದನೆ ಮಾಡುತ್ತಿದ್ದ ನಾವು ಈಗ ₹200 ಸಂಪಾದನೆ ಮಾಡಲು ಸಾಧ್ಯವಾಗದಂತಿದೆ ಎಂದು ಅಳಲು ತೋಡಿಕೊಳ್ತಾರೆ.
