ಚಾಮರಾಜನಗರ: ದೇವರಲ್ಲಿ ತಮ್ಮ ಇಷ್ಟಾರ್ಥ ಸಿದ್ಧಿಗೆ ಪ್ರಾರ್ಥಿಸಿ ಭಕ್ತರು ವಿವಿಧ ರೀತಿಯ ಹರಕೆ ಹೊತ್ತುಕೊಂಡು ಹುಂಡಿಗೆ ಪತ್ರಗಳನ್ನು ಹಾಕುತ್ತಾರೆ. ಇದೇ ರೀತಿ, ಯುವತಿಯೊಬ್ಬಳು ತಾನು ಇಚ್ಛೆಪಟ್ಟ ಯುವಕ ಸಿಗಲೆಂದು ದೇವರ ಹುಂಡಿಗೆ ಪತ್ರ ಹಾಕಿ ಬೇಡಿಕೊಂಡಿದ್ದಾಳೆ. ಚಾಮರಾಜನಗರ ತಾಲೂಕಿನ ಮುಕ್ಕಡಹಳ್ಳಿ ಗ್ರಾಮದ ಮಾಯಮ್ಮ ದೇವಮ್ಮ ದೇವಾಲಯದಲ್ಲಿ ಇಂದು ಹುಂಡಿ ಎಣಿಕೆ ಮಾಡುವಾಗ ಇಂಥದ್ದೊಂದು ಪತ್ರ ಸಿಕ್ಕಿತು. 'ದೇವರೇ, ನನ್ನ ಮೂರ್ತಿಯನ್ನು ಬಿಟ್ಟು ಯಾರೂ ನನ್ನ ಕುತ್ತಿಗೆಗೆ ತಾಳಿ ಕಟ್ಟಬಾರದು' ಎಂದು ಆಕೆ ಬರೆದಿದ್ದಾಳೆ.
ಕೆಲವು ದಿನಗಳ ಹಿಂದಷ್ಟೇ ಚಾಮರಾಜನಗರದ ಚಾಮರಾಜೇಶ್ವರ ದೇವಾಲಯ ಹುಂಡಿ ಎಣಿಕೆ ಕಾರ್ಯ ನಡೆದಿದ್ದಾಗ ಪತ್ರಗಳು, ಆಹ್ವಾನ ಪತ್ರಿಕೆಗಳು ಕೂಡ ದೊರೆತಿದ್ದವು. ಇತ್ತೀಚೆಗೆ ಯುವಕನೋರ್ವ ತನಗೆ ಹುಡುಗಿ ಕರುಣಿಸು ಪ್ರೀತಿಯ ದೇವರೇ ಎಂದು ಶಿವಲಿಂಗದ ಚಿತ್ರ ಬರೆದು ಹುಂಡಿಗೆ ಹಾಕಿ ಪ್ರಾರ್ಥಿಸಿದ್ದ. ಯುವತಿಯ ಭಾವಚಿತ್ರ, ಆಹ್ವಾನ ಪತ್ರಿಕೆಗಳೂ ಕೂಡ ಹುಂಡಿಯಲ್ಲಿ ಪತ್ತೆಯಾಗಿತ್ತು.
ಇದನ್ನೂ ಓದಿ: ಚಾಮರಾಜನಗರ: ಹುಡುಗಿ ಕರುಣಿಸಿ ಎಂದು ದೇವರಿಗೇ ಪತ್ರ ಬರೆದ ಭೂಪ!
