ದೋಸ್ತಿ,ಬಿಜೆಪಿ ಬೆಂಬಲಿಸಲ್ಲ: ಬಿಎಸ್​ಪಿ ಶಾಸಕ ಮಹೇಶ್ ತಟಸ್ಥ

ತಟಸ್ಥರಾಗಿರುವಂತೆ ಪಕ್ಷದ ವರಿಷ್ಠರು ಸೂಚಿಸಿದ ಹಿನ್ನೆಲೆಯಲ್ಲಿ ಎರಡೂ ಪಕ್ಷಗಳಿಗೆ ನನ್ನ ಬೆಂಬಲವಿಲ್ಲ. ವಿಶ್ವಾಸ ಮತಯಾಚನೆ ಬಗ್ಗೆ ತಟಸ್ಥವಾಗಿರುವುದಾಗಿ ಕೊಳ್ಳೇಗಾಲದ ಬಿಎಸ್​ಪಿ ಶಾಸಕ ಮಹೇಶ್ ತಿಳಿಸಿದ್ದಾರೆ.

ಚಾಮರಾಜನಗರ: ತೀವ್ರ ಕುತೂಹಲ ಕೆರಳಿಸಿರುವ ವಿಶ್ವಾಸ ಮತಯಾಚನೆಗೆ ಕೊಳ್ಳೇಗಾಲದ ಬಿಎಸ್​ಪಿ ಶಾಸಕ ತಟಸ್ಥ ರಾಗಿರಲು ತೀರ್ಮಾನಿಸಿದ್ದು,ಎರಡೂ ಪಕ್ಷಗಳಿಗೂ ತಮ್ಮ ಬೆಂಬಲವಿಲ್ಲ ಎಂದಿದ್ದಾರೆ.

ಕೊಳ್ಳೇಗಾಲದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ ಮಹೇಶ್‌, ಪಕ್ಷದ ವರಿಷ್ಠರಿಂದ ತಟಸ್ಥರಾಗಿರುವಂತೆ ಸೂಚನೆ ಬಂದಿದೆ. ಈ ಹಿನ್ನೆಲೆಯಲ್ಲಿ ಇಬ್ಬರ ಪರವೂ ನನ್ನ ಬೆಂಬಲವಿಲ್ಲ ಎಂದರು.

ಖಾಸಗಿ ಕೆಲಸದ ಹಿನ್ನೆಲೆಯಲ್ಲಿ ನಾನು ಎರಡು ದಿನ ಕಲಾಪದಲ್ಲಿ ಭಾಗವಹಿಸಲಿಲ್ಲ. ಇನ್ನೆರಡು ದಿನವೂ ನಾನು ಅಸೆಂಬ್ಲಿಗೆ ಹೋಗುವುದಿಲ್ಲ. ಕ್ಷೇತ್ರದಲ್ಲಿದ್ದು ಜನರ ಕೆಲಸ ಮಾಡುತ್ತೇನೆ ಎಂದು ತಿಳಿಸಿದರು.