ಚಾಮರಾಜನಗರ: ಇಂದು ಜಿಲ್ಲೆಯಲ್ಲಿ ಹೊಸದಾಗಿ 37 ಕೋವಿಡ್ ಪಾಸಿಟಿವ್ ಕೇಸ್ ಪತ್ತೆಯಾಗುವ ಮೂಲಕ ಸೋಂಕಿತರ ಸಂಖ್ಯೆ 2,224 ಕ್ಕೆ ಏರಿಕೆಯಾಗಿದೆ. ಹೋಂ ಐಸೋಲೇಷನ್ನಲ್ಲಿದ್ದ 50 ಮಂದಿ ಸೇರಿದಂತೆ 56 ಮಂದಿ ಗುಣಮುಖರಾಗಿದ್ದಾರೆ.
ಸಕ್ರಿಯ ಪ್ರಕರಣಗಳ ಸಂಖ್ಯೆ 454ರಷ್ಟಾಗಿದ್ದು, 172 ಮಂದಿ ಹೋಂ ಐಸೋಲೇಷನ್ನಲ್ಲಿ, 20 ಮಂದಿ ಐಸಿಯುನಲ್ಲಿದ್ದಾರೆ. 422 ಮಂದಿ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿತರ ಮೇಲೆ ಆರೋಗ್ಯ ಇಲಾಖೆ ನಿಗಾ ಇಟ್ಟಿದೆ.
ಇಂದಿನ ಸೋಂಕಿತರಲ್ಲಿ ಗುಂಡ್ಲುಪೇಟೆ ತಾಲೂಕಿನ 6 ಮಂದಿ, ಚಾಮರಾಜನಗರದ 16, ಕೊಳ್ಳೇಗಾಲ 4, ಯಳಂದೂರು 9 ಹಾಗೂ ಹನೂರಿನ ತಾಲೂಕಿನ ಇಬ್ಬರಿದ್ದಾರೆ. ಬಿಡುಗಡೆಯಾದವರಲ್ಲಿ 84 ವರ್ಷ, 82 , 70, 67 ವರ್ಷದ ವೃದ್ಧರು ಸೇರಿದಂತೆ 1, 2, 7, 9, ಹಾಗೂ 11 ವರ್ಷದ ಮಕ್ಕಳಿದ್ದಾರೆ.
