ಚಾಮರಾಜನಗರ: ನಿಗೂಢವಾಗಿ 3 ಜಾನುವಾರು ಮೃತಪಟ್ಟಿರುವ ಧಾರುಣ ಘಟನೆ ಜಿಲ್ಲೆಯ ಹನೂರು ತಾಲೂಕಿನ ಕೌದಳ್ಳಿ ಗ್ರಾಮದಲ್ಲಿ ನಡೆದಿದೆ.
ನಿಗೂಢವಾಗಿ 3 ಜಾನುವಾರು ಸಾವು
ಕೌದಳ್ಳಿ ಗ್ರಾಮದ ಗೋವಿಂದ್ ಎಂಬುವವರಿಗೆ ಸೇರಿದ್ದ 2 ಎತ್ತು ಹಾಗೂ 1 ಹಸು ಮೇಯಲು ತೆರಳಿದ್ದ ವೇಳೆ ಜಮೀನೊಂದರಲ್ಲಿ ಸಾವಿಗೀಡಾಗಿವೆ. ಬಾಯಲ್ಲಿ ನೊರೆ ಮತ್ತು ವಾಸನೆ ಗಮನಿಸಿದಾಗ ಮಾಲೀಕ ಗೋವಿಂದ, ಯೂರಿಯಾ ಮಿಶ್ರಿತ ನೀರು ಕುಡಿಸಿ ಕಿಡಿಗೇಡಿಗಳು ಕೊಂದಿದ್ದಾರೆ ಎಂದು ಆರೋಪಿಸಿದ್ದಾರೆ.
ಜೀವನಕ್ಕೆ ಆಧಾರವಾಗಿದ್ದ ಎತ್ತು, ಹಸುಗಳು ಸತ್ತಿರುವುದರಿಂದ ಕಂಗಾಲಾಗಿರುವ ಮಾಲೀಕನಿಗೆ ಕೂಡಲೇ ಪರಿಹಾರ ನೀಡಬೇಕೆಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.
ಓದಿ: ರಾಕೇಶ್ ಟಿಕಾಯತ್ ವಿರುದ್ಧ ದಾಖಲಾಗಿರುವ ಪ್ರಕರಣ ರದ್ದುಗೊಳಿಸಿ: ಎಚ್ಡಿಕೆ ಆಗ್ರಹ
