ಬೀದರ್: ಮಹಾಮಾರಿ ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ ದಿನೇ- ದಿನೇ ಹೆಚ್ಚಾಗುತ್ತಿದ್ದು, ಗಡಿ ಜಿಲ್ಲೆ ಬೀದರ್ನಲ್ಲಿ ಇಂದು ಮತ್ತೊಬ್ಬ ವ್ಯಕ್ತಿಯಲ್ಲಿ ಸೋಂಕು ಪತ್ತೆಯಾಗಿದೆ.
ಜಿಲ್ಲೆಯ 27 ವರ್ಷದ ಯುವಕನಲ್ಲಿ ಸೋಂಕು ಇರುವುದು ದೃಢವಾಗಿದೆ. ಬೀದರ್ನಿಂದ ದೆಹಲಿಯ ಜಮಾತ್ಗೆ ತೆರಳಿದ್ದ ಈ ವ್ಯಕ್ತಿ, ಸೋಂಕಿತ 117ರ ಸಂಪರ್ಕ ಹೊಂದಿದ್ದ. ಇದೀಗ ಈತ 428ನೇ ಸೋಂಕಿತನಾಗಿದ್ದಾನೆ. ಇದುವರೆಗೆ ಜಿಲ್ಲೆಯಲ್ಲಿ ಸೋಂಕು ಪೀಡಿತರ ಸಂಖ್ಯೆ 15ಕ್ಕೆ ಏರಿಕೆಯಾಗಿದೆ.
ಸದ್ಯಕ್ಕೆ ಒಲ್ಡ್ ಸಿಟಿಯನ್ನು ಹಾಟ್ಸ್ಪಾಟ್ ವಲಯ ಎಂದು ಗುರುತಿಸಲಾಗಿದ್ದು, ಸೋಂಕಿತರ ಸಂಪರ್ಕಕ್ಕೆ ಬಂದವರ ಸಂಖ್ಯೆ ಹೆಚ್ಚಾಗುತ್ತಿದೆ. ಇನ್ನೂ ಪ್ರಯೋಗಾಲಯದಿಂದ ಸಾವಿರಕ್ಕೂ ಅಧಿಕ ಜನರ ವರದಿ ಬರಬೇಕಾಗಿದೆ.
