ವಿಜಯನಗರ - ಬಳ್ಳಾರಿ ಜಿಲ್ಲೆಯ ಮೂವರು ಪೊಲೀಸರು COVIDಗೆ ಬಲಿ

ಬಳ್ಳಾರಿ-ವಿಜಯನಗರ ಜಿಲ್ಲೆಗಳ ಒಟ್ಟು 110 ಪೊಲೀಸರಿಗೆ Covid​​ ಸೋಂಕು ಕಾಣಿಸಿಕೊಂಡಿದ್ದು, ಇವರಲ್ಲಿ ಮೂವರು ಪೊಲೀಸರು ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾರೆ.

ಹೊಸಪೇಟೆ (ವಿಜಯನಗರ): ಬಳ್ಳಾರಿ-ವಿಜಯನಗರ ಜಿಲ್ಲೆಗಳ 110 ಪೊಲೀಸರಿಗೆ ಕೊರೊನಾ ಪಾಸಿಟಿವ್ ದೃಢಪಟ್ಟಿದೆ. ಈ ಪೈಕಿ ಮೂವರು ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾರೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸೈದುಲು ಅಡಾವತ್ ತಿಳಿಸಿದ್ರು.

110 ಪೊಲೀಸರ ಪೈಕಿ 17 ಜನ ಗುಣಮುಖರಾಗಿದ್ದಾರೆ, ಮೂವರು ಮೃತಪಟ್ಟಿದ್ದಾರೆ.‌ ಒಬ್ಬರು ಎಎಸ್​ಐ , ಇಬ್ಬರು ಹೆಡ್ ಕಾನ್ಸ್​ಟೇಬಲ್ ಕೊರೊನಾಗೆ ಬಲಿಯಾಗಿದ್ದಾರೆ. ಇನ್ನು 90 CORONA ಪ್ರಕರಣಗಳು ಸಕ್ರಿಯವಾಗಿವೆ ಎಂದು ಸೈದುಲು ಅಡಾವತ್ ಹೇಳಿದ್ರು.

ಉಭಯ ಜಿಲ್ಲೆಗಳಲ್ಲಿ ಅನಗತ್ಯ ಓಡಾಟ ನಡೆಸದಂತೆ ಚೆಕ್​ಪೋಸ್ಟ್ ಗಳನ್ನು ನಿರ್ಮಿಸಲಾಗಿದೆ. ಅನಗತ್ಯವಾಗಿ ಓಡಾಡಿದವರ ವಿರುದ್ಧ ಕ್ರಮ ಕೈಗೊಳ್ಳಲಾಗುತ್ತಿದೆ. ಜನರು ಪರಿಸ್ಥಿತಿಯನ್ನು ಅರ್ಥ ಮಾಡಿಕೊಂಡು ಮನೆಯಲ್ಲಿ ಇರಬೇಕು ಎಂದು ಅಡಾವತ್​ ಹೇಳಿದ್ರು.