ಬಳ್ಳಾರಿ: ಬಿರು ಬಿಸಿಲಿಗೆ ಹೆಸರುವಾಸಿಯಾದ ಬಳ್ಳಾರಿ ಜಿಲ್ಲೆ ಕಳೆದ ಮೂರ್ನಾಲ್ಕು ದಿನಗಳಿಂದ ಮಲೆನಾಡಿನಂತೆ ಕಂಗೊಳಿಸುತ್ತಿದೆ.
ಗಣಿನಾಡು ಬಳ್ಳಾರಿಯಲ್ಲಿ ಮಳೆಯ ರಿಂಗಣ, ರೈತಾಪಿ ವರ್ಗದಲ್ಲಿ ಸಂಭ್ರಮ
ಜಿಲ್ಲೆಯ ನಾನಾ ತಾಲೂಕುಗಳಲ್ಲಿ ಮೋಡ ಕವಿದ ವಾತಾವರಣವಿದ್ದು, ಕರಿಮೋಡಗಳ ಚೆಲ್ಲಾಟ ಜೋರಾಗಿದೆ. ಬೆಟ್ಟ, ಗುಡ್ಡಗಳಲ್ಲಿ ಗಣಿಧೂಳಿಗೆ ಬದಲಾಗಿ ಹಚ್ಚ ಹಸಿರಿನ ಚಿಗುರು ಮೂಡುತ್ತಿದೆ.
ಈ ಬಾರಿ ಜಿಲ್ಲೆಯಲ್ಲಿ ರೈತಾಪಿ ವರ್ಗದ ಜೀವನಾಡಿ ತುಂಗಭದ್ರಾ ಜಲಾಶಯ ಭರ್ತಿಯಾಗುವ ಸಂಶಯವಿತ್ತು. ಆದರೆ, ಜಲಾನಯನ ಪ್ರದೇಶಗಳಲ್ಲಾದ ಮಳೆಯಿಂದ, ಜಲಾಶಯದೊಡಲು ತುಂಬುತ್ತಿದೆ.
ಭಾರಿ ಮಳೆಯಿಂದಾಗಿ ಇಲ್ಲಿನ ಕುಡಿತಿನಿ ಬಳಿ ಇರುವ ದರೋಜಿ ಕೆರೆ ಕೂಡ ಬಹುತೇಕ ಭರ್ತಿಯಾಗಿದೆ.
