ಬಳ್ಳಾರಿ : ಜಿಲ್ಲೆಯ ಗಡಿಗಿ ಚನ್ನಪ್ಪ ವೃತ್ತದ ಬಳಿ ಇರುವ ಕೆನರಾ ಬ್ಯಾಂಕಿನ ಎಟಿಎಂನಲ್ಲಿ ಕೆಲಕಾಲ ಅವಾಂತರ ಸೃಷ್ಠಿಯಾಗಿತ್ತು. ಗಾಂಧಿನಗರ ಠಾಣೆಯ ಪೊಲೀಸರಿಂದ ಈ ಅವಾಂತರಕ್ಕೆ ತಾತ್ಕಾಲಿಕ ಬ್ರೇಕ್ ಬಿದ್ದಿದೆ.
ಈ ಕೆನರಾ ಬ್ಯಾಂಕಿನ ಎಟಿಎಂಗೆ ಬರುವ ಗ್ರಾಹಕರು, ಎಟಿಎಂ ಮಷಿನ್‌ನೊಳಗಡೆ ಕಾರ್ಡ್‌ ಹಾಕಿ 500 ರೂ. ಬಿಡಿಸಿದ್ರೆ, ಮಷಿನ್ನಿಂದ 2500 ರೂ. ಹಣ ಹೊರ ಬರುತ್ತದೆ.
ಮತ್ತೊಬ್ಬರು 10,000 ರೂ.ಗಳನ್ನ ಡ್ರಾ ಮಾಡಿದ್ರೆ ಸರಿ ಸುಮಾರು 50,000 ರೂ.ಗಳು ಬಂದಿತ್ತು. ಆ ಮಾಹಿತಿಯನ್ನ ಗ್ರಾಹಕರೇ ಗಾಂಧಿನಗರ ಠಾಣೆಯ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಲಕ್ಷ್ಮಣ ಹಾಗೂ ಪಿಸಿ ಕಾಶೀನಾಥ ಅವರ ಗಮನಕ್ಕೆ ತಂದಿದ್ದಾರೆ.
ಕೂಡಲೇ ಕೆನರಾ ಬ್ಯಾಂಕಿನ ಎಟಿಎಂ ಮಷಿನ್‌ನತ್ತ ಧಾವಿಸಿ, ಬ್ಯಾಂಕಿನವರಿಗೆ ಆಗುವ ಭಾರೀ ಮೊತ್ತದ ನಷ್ಟವನ್ನ ಉಳಿತಾಯ ಮಾಡಿದ್ದಾರೆ.
ಈ ಘಟನೆಯ ಕುರಿತು ಬ್ಯಾಂಕಿನ ವ್ಯವಸ್ಥಾಪಕರಿಗೆ ದೂರವಾಣಿ ಕರೆಮಾಡಿ ತಿಳಿಸಿದಾಗ, ಮಷಿನ್ನಲ್ಲಿ ತಾಂತ್ರಿಕ ದೋಷ ಇದ್ದಿರಬಹುದು.
ಈಗ ಅಲ್ಲಿಗೆ ಕಳಿಸಿ ಕೊಡಲು ನಮ್ಮಲ್ಲಿ ತಾಂತ್ರಿಕ ನಿರ್ವಾಹಕರಿಲ್ಲ ಎಂದು ತಮ್ಮ ನಿರ್ಲಕ್ಷ್ಯವನ್ನ ಎತ್ತಿ ತೋರಿಸಿ ದೂರವಾಣಿ ಕರೆಯನ್ನ ಕಟ್ ಮಾಡಿದ್ದಾರೆ.
