ಬೆಳಗಾವಿ: ಮಾಸ್ಕ್ ಹಾಕದೇ ಬೈಕ್ ಮೇಲೆ ಸುತ್ತಾಡುತ್ತಿದ್ದ ಇಬ್ಬರು ಪೊಲೀಸ್ ಸಿಬ್ಬಂದಿಯನ್ನು ಕಾನ್ಸ್ಟೇಬಲ್ ತರಾಟೆಗೆ ತೆಗೆದುಕೊಂಡ ಘಟನೆ ಇಲ್ಲಿನ ಚೆನ್ನಮ್ಮ ವೃತ್ತದಲ್ಲಿ ನಡೆದಿದೆ. ಇಬ್ಬರೂ ಪೊಲೀಸ್ ಸಿಬ್ಬಂದಿ ಮಾಸ್ಕ್ ಧರಿಸದೇ ಸಿವಿಲ್ ಡ್ರೆಸ್‌ನಲ್ಲಿ ಬಂದಿದ್ದರು.
ಬೆಳಗಾವಿಯ ಚೆನ್ನಮ್ಮ ವೃತ್ತದ ವೆಹಿಕಲ್ ಚೆಕ್ಕಿಂಗ್ ಪಾಯಿಂಟ್‌ ಬಳಿ ಇಬ್ಬರು ಆಗಮಿಸಿದ್ದಾರೆ. ಪೊಲೀಸ್ ಎಂದು ಬರೆಸಿದ್ದ ಬೈಕ್ ಮೇಲೆ ಸಿವಿಲ್ ಡ್ರೆಸ್‌ನಲ್ಲಿ ಇಬ್ಬರು ಪೊಲೀಸರು ಬರುವಾಗ ಕರ್ತವ್ಯ ನಿರತ ಕಾನ್ಸ್ಟೇಬಲ್ ತಡೆದು ತಪಾಸಣೆ ನಡೆಸಿದ್ದಾರೆ.
ಓದಿ: ಒಂದೂವರೆ ಲಕ್ಷದ ಸನಿಹಕ್ಕೆ ಕೊರೊನಾ ಪ್ರಕರಣಗಳು.. ಏರುತ್ತಲೇ ಇದೆ ಕೋವಿಡ್ ಭಯದ ಅಲೆ!
ಈ ವೇಳೆ, ಮಾಸ್ಕ್ ಯಾಕೆ ಹಾಕಿಲ್ಲ ಎಂದು ಕಾನ್ಸ್ಟೇಬಲ್ ಪ್ರಶ್ನಿಸಿದ್ದಾರೆ. ನಾವು ಪೊಲೀಸರು ಒಂದೇ ಡಿಪಾರ್ಟ್ಮೆಂಟ್ ಗೊತ್ತಾಗಲ್ವಾ ಎಂದು ಬೈಕ್ ಮೇಲಿದ್ದವರು ಉತ್ತರಿಸಿದ್ದಾರೆ. ಒಂದೇ ಡಿಪಾರ್ಟ್ಮೆಂಟ್ ಆದರೆ ಏನಾಯ್ತು?.. ಮಾಸ್ಕ್ ಏಕೆ ಹಾಕಿಲ್ಲ ಎಂದು ಕಾನ್ಸ್ಟೇಬಲ್ ತರಾಟೆ ತೆಗೆದುಕೊಂಡರು. ಬಳಿಕ ಜೇಬಿನಲ್ಲಿದ್ದ ಕರವಸ್ತ್ರ ಮುಖಕ್ಕೆ ಕಟ್ಟಿಕೊಂಡು ಪೊಲೀಸರು ತೆರಳಿದರು. ಮಾಸ್ಕ್ ಧರಿಸದೇ ಬಸ್ ಚಾಲನೆ ಮಾಡುತ್ತಿದ್ದ ಸರ್ಕಾರಿ ಬಸ್ ಚಾಲಕನಿಗೂ ಇದೆ ವೇಳೆ ತರಾಟೆ ತೆಗೆದುಕೊಳ್ಳಲಾಯಿತು.
